აპოლო პენალტებში დამარცხდა, დინამო – ძირითადში

დაიწყო წყალბურთელთა კონფერეს ლიგა, სადაც ორი ქართული გუნდი გამოდის – აპოლო და დინამო.

აპოლო, რომელიც C ჯგუფშია, სენსაციასთან ახლოს იყო. ჩვენს გუნდს მეტოქედ უნგრული ჰონვედი ჰყავდა და პენალტების სერიაში 19:20 დამარცხდა.

არადა, აპოლომ კარგად დაიწყო. მეორე მეოთხედის მიმდინარეობისას ორჯერ ოთხი ბურთითაც დაწინაურდა, ხოლო დიდ შესვენებაზე სამბურთიანი უპირატებით გავიდა. მესამე მეოთხედში უნგრელებმა სხვაობა ერთი ბურთით შეამცირეს, მეოთხეში კი სულაც გათანაბრება მოახერხეს – 14:14. შედეგად, ხუთმეტრიანი პენალტები დაინიშნა, სადაც ჰონვედი უკეთესი იყო, 6:5 იმარჯვა. ქართულ გუნდს ძირითად დროში ფრედ დასრულების გამო ნუგეშად ქულა ერგო.

აპოლო 20 თებერვალს ხორვატიულ რიეკასთან ითამაშებს.

D ჯგუფში მოასპარეზე დინამო იტალიურ პესიპოლოსთან 8:13 დამარცხდა. აპენინელები თავიდანვე ხელთ იგდეს უპირატესობა და დიდი შესვენებისთვის სოლიდურად იგებდნენ – 8:2. დინამომ მესამე და მეოთხე მეოთხედები უკეთ ითამაშა, სხვაობა სამ ბურთამდეც დაიყვანა, მაგრამ სულ ეს იყო და ბოლოს პესიპოლომ მოიგო კიდეც.

დინამოს მომდევნო მატჩი სერბულ ცრვენა ზვეზდასთან 21 თებერვალს უწევს.