ბატუტზე ხტომის ნაკრები მსოფლიო თასზე

სექტემბერის ბოლო და ოქტომბრის დასაწყისში, იტალიის ქალაქი რიმინი, ტანვარჯიშის საერთაშორისო სამყაროს ყურადღების ცენტრში ექცევა. მსოფლიო თასის მორიგი ეტაპზე, საუკეთესო ათლეტები საპრიზო ადგილების დასაკავებლად და სარეიტინგო ქულების მოსაპოვებლად იბრძოლებენ.

საქართველოს ტანვარჯიშის ფედერაციის ბატუტზე ხტომის ნაკრები და ოფიციალური დელეგაცია უკვე ადგილზეა და ტურნირს სრულ მზადყოფნაში ხვდება.

ქართული დელეგაციის შემადგენლობა

ლუბა გოლოვინა – საქართველოს ტანვარჯიშის ფედერაციის ვიცე პრეზიდენტი; სალომე ბოდაველი – ახალგაზრდული ნაკრების მთავარი მწვრთნელი; ხათუნა კოკობინაძე – ნაკრების მწვრთნელი; ირმა თანდილაშვილი – საერთაშორისო კატეგორიის მსაჯი

მზადების პროცესი და მოლოდინები

ტანვარჯიშის ფედერაციის პრეს-სამსახურის ცნობით, მსოფლიო თასისთვის მზადების პროცესი ინტენსიურ რეჟიმში წარიმართა. სპორტსმენები და სამწვრთნელო შტაბი ადგილზეც ჩაერთნენ სავარჯიშო პროცესში, რათა მაქსიმალურად შეეჩვიონ არენას და საასპარეზო ბატუტებს.