
სუპერლიგის მე-20 ტურის ცენტრალურ მატჩში ერთმანეთს თსუ და ბათუმი შეხვდნენ. ეს გუნდები 1-2 ადგილზე არიან და გამარჯვებულს რეგულარული ჩემპიონატის მოგების დიდი შანსი ეძლეოდა.
მატჩი ძალიან დაძაბული, საინტერესო და თვალსასეირო გამოვიდა. თავიდან თანაბარი თამაში მიდიოდა, შემდეგ თსუ-მ მოუმატა, მაგრამ ბოლო პერიოდის წინ ისევ თანაბრობა იყო. მერე ბათუმელები რვა ქულითაც გავიდნენ წინ, მაგრამ თსუ-მ უპასუხა და თამაში თანაბარი სცენარით გაგრძელდა.
ყველაფერი ბოლო წამებზე გადაწყდა. ბათუმის ტაქტიკურმა ჯარიმებმა შედეგი გამოიღო და ბოლო წამებზე ორი ქულით ჩამორჩენილ აჭარულ გუნდს შეტევა გაუცუდდა და მატჩის ბედიც გადაწყდა. თსუ-მ 92:90 გაიმარჯვა და ფაქტობრივად გაინაღდა პირველობა.
თსუ-ს და მის მდევარ სამივე გუნდს რეგულარულ ჩემპიონატში 3-3 მატჩის ჩატარება დარჩათ. ამ სამიდან თსუ-მ ერთიც რომ მოიგოს, პირველობა გარანტირებული აქვს.
ბათუმელთა მსგავსად მდევარია მარგვეთი, რომელმაც დრამატულ მატჩში ტყიბულში ორბი 86:85 დაამარცხა. თამაშის დასრულებამდე წამზე ნაკლები დრო რომ რჩებოდა, მსაჯებმა ორბის ლეგიონერი, ლარი ოსტინი დააჯარიმეს. ორიდან ერთი საჯარიმო დალტონ ბენქსმა ჩააგდო, რაც გამარჯვებისთვის საკმარისი აღმოჩნდა.
ქუთაისმა კავკასია დაამარცხა – 99:82. ქუთაისელებმა წინა ტურში ბათუმთან მარცხით მეორე ადგილი დაკარგეს და რეგულარული სეზონის მიწურულს მოწინავე პოზიციების დაბრუნება სურთ. მიზეზი ნათელია: მოედნის უპირატესობა ფლეი ოფში.
კავკასიამ პირველ ტაიმში იბრძოლა და დიდი შესვენებისთვის ქუთაისი ორ ქულას იგებდა. გარდატეხა მესამე პერიოდში მოხდა, რომელიც იმერლებმა 33:20 მოიგო და მატჩის ბედიც გადაწყვიტა.
თელავმა რუსთავში მოიგო. მატჩი დაძაბული, გარდამავალი უპირატესობით მიმდინარე გამოვიდა. უმეტესად თელაველები ლიდერობდნენ, რუსთავი კი მდევრის როლში იყო და პირველ ნახევარში რვაქულიანი ჩამორჩენა გააბათილა, ხოლო მეორეში 16-ქულიანი დეფიციტის შემდეგ მეტოქეს ქულით მიუახლოვდა. ბოლო წუთზე ორივე გუნდმა ტაქტიკურ ჯარიმებსა და წუთშესვენებებს მიმართა, რის გამოც თამაში ორ საათზე მეტ ხანს გაგრძელდა და საბოლოოდ თელაველთა გამარჯვებით – 78:74 დასრულდა.
ოფიციალურად გაირკვა, რომ გუნდი, რომელიც ცხრა წლის წინ გადავიდა სუპერლიგაში, ა ლიგას დაუბრუნდა. დელტამ გორში, ივერიონთან 67:92 წააგო და სუპერლიგიდან ოფიციალურად გავარდა…
იხილე მეტი
-
სანაკრებო ტურნირები
/ 3 დღის agoსაქართველოს გოლიც სანატრელი გაუხდა
გააზიარეთერთა ლიგის B დივიზიონის მეხუთე ტურის მატჩში საქართველოს ნაკრები საკუთარ მოედანზე უნგრეთს დაუხვდა და...
ავტორი მიხეილ მაღლაკელი -
კალათბურთი
/ 4 დღის agoბითაძე ორლანდოს 12 ქულით დაეხმარა
გააზიარეთNBA-ს რეგუარული ჩემპიონატის მორიგ მატჩში ორლანდო მეჯიქმა საკუთარ მოედანზე მილუოკი ბაქსი 107:99 დაამარცხა, რაშიც...
ავტორი მიხეილ მაღლაკელი -
სანაკრებო ტურნირები
/ 4 დღის agoრამაზ სვანაძე: შედეგი მნიშვნელოვანია
გააზიარეთსაქართველოს ნაკრები UEFA-ს ერთა ლიგის მეხუთე ტურის მატჩს უნგრეთის წინააღმდეგ გამართავს. თამაშამდე ერთი დღით...
ავტორი მიხეილ მაღლაკელი