დინამო ლიდერებში გაერია, სპაერმა მოგება გაიხსენა

კრისტალბეთ ეროვნულ ლიგაში მე-12 ტური ორი მატჩით დასრულდა. ორივე სანახაობრივი და უხვგოლიანი გამოდგა.

რუსთავი-დინამო (თბ) 2:3

0:1 იორო (1), 1:1 ნაკანო (24), 1:2 მონტეირუ (38), 2:2 კენიო (40), 2:3 ვაწაძე (55)

თემურ ქეცბაიას მისვლის შემდეგ თბილისის დინამომ ოთხ მატჩში 10 ქულა აიღო. დინამოელებმა ამჯერად რუსთავს სძლიეს, რომელსაც შვიდმატჩიანი წაუგებელი სერია ჰქონდა.

თბილისელები 44-ე წამზე დაწინაურდნენ: ნიკა ნინუას კუთხური, საჯარიმოში არეულობა და აბდულაი იორომ ახლოდან გაიტანა; რუსთაველებმა ტაიმის შუაში გაათანაბრეს – მამუკა კაპანაძის ჩაწოდებულს იაპონელი იუტა ნაკანოს თავური მოჰყვა; 38-ე წუთზე ნინუამ უკვე რუი მონტეირუს გაატანინა და დინამო ისევ დაწინაურდა; თუმცა მალევე, ბრაზილიელმა ჯექსონ კენიომ საჯარიმოს მისადგომებიდან დაბალი დარტყმით გაათანაბრა.

მეორე ტაიმში კი, ერთი გოლი ვნახეთ, მათე ვაწაძე მშვენიერ ფორმაშია და ამჯერად მაკრატელა გაიტანა – 2:3.

სპაერი-გაგრა 3:0

1:0 ბუნტური (44); 2:0 ცეცხლაძე (72), 3:0 სამხარაძე (90პ)

სპაერმა შვიდმატჩიანი მოუგებელი სერია შეწყვიტა და გაგრას დიდი ანგარიშით სძლია. თავის მხრივ, გაგრამ ზედიზედ მესამედ წააგო.

პირველ ტაიმში ერთი გოლი გავიდა: გოჩა ცირდავას კუთხურიდან ჩაწოდებულ ბურთს მცველმა გიორგი ბუნტურმა შეაგება თავური.

73-ე წუთზე სპაერმა ორამდე გაზარდა სხვაობა: საბა გეგიაძის პასს გიორგი ცეცხლაძის ზუსტი დარტყმა მოჰყვა; მატჩის ბოლოს კი, საბა გეგიაძე პენალტის მოიპოვა და გიგა სამხარაძემ გამოიყენა – 3:0.

სატურნირო ცხრილი:

1.იბერია 12 7 3 2 19-9 24

2.რუსთავი 12 5 4 3 15-10 19

3.დილა 12 6 1 5 10-8 19

4.დინამო (თბ) 12 4 6 2 15-13 18

5.ტორპედო 12 4 5 3 19-10 17

6.სპაერი 12 4 3 5 17-15 15

7.დინამო (ბთ) 12 3 5 4 15-19 14

8.სამგურალი 12 4 2 6 14-21 14

9.გაგრა 12 2 4 6 10-19 10

10.მეშახტე 12 1 7 4 7-16 10