იბერია კონფერენს ლიგის მეტოქეებს მარიამობას გაარკვევს

ევროპის ლიგის ფლეი ოფში იბერია 1999 პოლონურ იაგელონიასთან საშინაო მატჩშიც დამარცხდა და კონფერენს ლიგაზე გადაინაცვლებს. ეს ამბავი პირველი მატჩის შემდეგაც გადაწყვეტილი ჩანდა, რადგან პოლონელებს 4:0 ჰქონდათ მოგებული და თბილისში მშვიდად ჩამოვიდნენ, სადაც 2:1 იმარჯვეს.

მატჩის დაწყებიდან ნახევარი საათი იყო გასული, როდესაც გიორგი ქობულაძემ საკუთარ საჯარიმოში ხელით ითამაშა. ხესუს იმაზიმ პენალტით საქართველოს დედაქალაქშიც გაიტანა და სტუმრები დაწინაურდნენ; მალევე ზვიად ნაჭყებიამ ლამაზი გოლით უპასუხა; მეორე ტაიმში კი, ანდერს კლინგემ მეორე გაიტანა და საბოლოო ანგარიში დააფიქსირა.

საბოლოოდ, იბერია ორი მატჩის ჯამში 1:6 დამარცხდა და კონფერენს ლიგის ძირითად ეტაპზე გადაინაცვლებს, რომლის წილისყრაც 28 აგვისტოს გაიმართება.

კონფერენს ლიგის ძირითად ეტაპზე ექვსი ტურია. იბერია სამ მატჩს შინ ითამაშებს, სამსაც – სტუმრად.

შეგახსენებთ, ქართული გუნდი ევროტურნირების ჯგუფში 22-წლიანი პაუზის შემდეგ გავიდა.