იური ტაბატაძე: ნაკრებში გამოძახება დიდი პატივია

ესპანური კადისის ფეხბურთელი იური ტაბატაძე საქართველოს ნაკრებში პირველად გამოიძახეს. 25 წლის ფეხბურთელი 25-კაციან სიაში კი არის, მაგრამ ექნება თუ არა დებიუტი, ამას ვილი სანიოლი გადაწყვეტს.

მანამდე ტაბატაძემ ნაკრებში პირველად მიწვევაზე ესპანური კლუბის პრესსამსახურთან კომენტარი გააკეთა:

„ძალიან სასიამოვნო გრძნობაა, როცა ოცნება ხდება. საკუთარი ქვეყნის ღირსების დაცვა ყველაზე მაღალ დონეზე, თითოეული ფეხბურთელის ოცნებაა. განსაკუთრებული მომენტია, როცა ესპანეთის წინააღმდეგ თამაშობ, რადგან შეგიძლია შენი შესაძლებლობები ლა ლიგის ფეხბურთელების წინააღმდეგ გამოსცადო. ჩემთვის ეს დიდი პატივია. როცა შენი ქვეყნისთვის თამაშობ, ეს ნიშნავს, რომ იბრძვი თითოეულ ეპიზოდში, იმისთვის რომ შენი ხალხი გააბედნიერო. ეს განსაკუთრებულია, რადგან ჩემი შემდეგი ნაბიჯი, ისევე როგორც კადისის შემდეგი ნაბიჯი, ლა ლიგაში თამაშია. ასე რომ, შემიძლია თავი გამოვცადო ლა ლიგის ფეხბურთელების წინააღმდეგ, რათა გამოვაჩინო საკუთარი შესაძლებლობები და გავიგო, როგორ შემიძლია ასეთ დონეზე თამაში“, – თქვა ტაბატაძემ.

ესპანელებს კალენდარი ისე აქვთ შედგენილი, რომ სანაკრებო პაუზის დროს ლა ლიგა 2 არ ჩერდება. აქედან გამმდინარე, ტაბატაძეს ალმერიასთან მატჩის გამოტოვება მოუწევს და მის გარეშე მოთამაშე თანაგუნდელებს წარმატებები უსურვა:

„მინდა წარმატება ვუსურვო გუნდს ალმერიასთან თამაშში, რადგან ვერ შევძლებ ამჯერად კადისის დახმარებას. ამიტომ, ვუსურვებ წარმატებას ჩემს თანაგუნდელებს და მჯერა, რომ შეგვიძლია გამარჯვება“, – დასძინა ტაბატაძემ.

შეგახსენებთ, რომ საქართველოს ნაკრებ 15 ნოემბერს, ესპანეთის ნაკრებს უმასპინძლებს, ხოლო 18 ნოემბერს, ბულგარეთს სტუმრად დაუპირისპირდება.