კვარას ტრავმა, ტრუბინის გოლი და დალაგებული ადგილები

ჩემპიონთა ლიგაზე ყველა ადგილი დალაგდა. თუმცა, სანამ იქამდე მივალთ, ხვიჩა კვარაცხელიათი დავიწყოთ.

ჩვენებურმა 22-ე წუთზე ექიმების დახმარებით დატოვა მოედანი. რა სიმძიმისაა ტრავმა? პირველადი ინფორმაცია რამდენიმე კვირას ვარაუდობს.

არადა, მერვე წუთზე ვიტინიას საგოლე პასი გაუკეთა. მანამდე უსმან დემბელემ პენალტი გააცუდა. აი, ასეთი შეტევებით და სწრაფი გოლით დაიწყო პსჟ-მ, მაგრამ პირველი ტაიმის ბოლოს გაუშვა და მატჩიც ასე მორჩა.

სასწაული ამბავი დატრიალდა ლისაბონში, სადაც ბენფიკა რეალს მასპინძლობდა. მადრიდელებს ორი ფეხბურთელი გაუგდეს. ბენფიკაც იგებდა – 3:2. თუმცა,ეს ანგარიში არ ჰქოფნიდა და ერთი კიდევ უნდა გაეტანა. გაიტანა კიდეც – მსაჯის მიერ კონპენსირებულ დროში მეტოქის საჯარიმოში მეკარე ანდრეი ტრუბინიც ჩავიდა და ფლეი ოფში გამსვლელი გოლი გაიტანა.

ბოლო წუთზე გავიდა პირველ რვა გუნდში გიორგი ქოჩორაშვილის ამჟამინდელი გუნდი სპორტინგი. ლისაბონელებმა 3:2 მოუგეს ბილბაოს. ქოჩორსვილი განაცხადში იყო და სკამზე დარჩა.

გიორგი მიქაუტაძის ვილიარეალი კი ჩემპიონთა ლიგაში ისევ შერცხვა და ამჯერად ლევერკუზენთან განადგურდა 0:3. მიქაუტაძე მოედანზე შესვენების შემდეგ შევიდა და მაინც და მაინც კარგი შეფასება არ ჰქონია. ვილიარეალი კი, ფლეი ოფის გარეშე დარჩა.

მერვედფინალში პირდაპირ გავიდნენ: არსენალი, ბაიერნი, ლივერპული, ტოტენჰემი, ბარსელონა, ჩელსი, სპორტინგი, მანჩესტერ სიტი;

მანამდე იქ მოსახვედრა ფლეი-ოფია, რომლის წილისყრა 30 იანვარს არის.

9-16 ადგილები: რეალი, ინტერი, პსჟ, ნიუკასლი, იუვენტუსი, ატლეტიკო, ატალანტა, ლევერკუზენი;

17-24 ადგილები: დორტმუნდი, ოლიმპიაკოსი, ბრიუგე, გალათასარაი, ბოდო გლიმტი, მონაკო, ყარაბახი, ბენფიკა.