სამი მედალი გალიპოლიდან

იტალიის ქალაქ გალიპოლიში დასრულდა მსოფლიო ჩემპიონატი ჭადრაკში სენიორთა შორის. შეჯიბრი ორ ასაკობრივ კატეგორიაში გაიმართა – +50 და +65. მონაწილეების სიმრავლიდან გამომდინარე, ტურნირი შვეიცარული სისტემით გაიმართა და 11 ტურად ჩატარდა.

იტალიაში საქართველოს რვა წარმომადგენელი ჰყავდდა. მათგან სამი მედლით დაბრუნდა. ორი ვერცხლი და ბრინჯაო – ასეთია ჩვენი მონაგარი.

+50 ასაკობრივ კატეგორიაში მიხეილ კეკელიძემ 11 ტურიდან 9 ქულით მეორე ადგილი დაიკავა;

+65 ასაკობრივ კატეგორიაში ზურაბ სტურუამ 8.5 ქულით I–VI ადგილები გაინაწილა, მაგრამ დამატებითი მაჩვენებლებით ვერცხლი ერგო;

+65 ასაკობრივ კატეგორიაში ქალთა შორის, ლეგენდარულმა ნონა გაფრინდაშვილმა 11-იდან 7,5 ქულა მოიპოვა და ბრინჯაოს მედალს დაეუფლა;

სხვა ქართველი მონაწილეების შედეგები ასეთია:

+50 ასაკობრივი კატეგორია, ქალები:

ინგა ხურცილავა – 7 ქულა; სოფიკო ტერელაძე – 6.5 ქულა; სოფიო ნიკოლაძე – 6 ქულა;

+50 ასაკობრივი კატეგორია, მამაკაცები:

ალექსანდრე ყაშაშვილი – 6.5 ქულა; ზაზა ხოფერია – 5 ქულა.