სარდალაშვილმა ოქრო მხეიძეს გაატანა

თბილისში მიმდინარე ძიუდოისტთა ევროპის ჩემპიონატზე საქართველოს დელეგაციას პირველი მედალი აქვს. გიორგი სარდალაშვილი (60კგ) ევროპის ვიცე-ჩემპიონია.

სარდალაშვილი ფინალში საფრანგეთის სახელით მოასპარეზე ლუკა მხეიძეს დაეჭიდა. თანაბარი ბრძოლა იყო, მაგრამ ფრანგმა ქართველი ძიუდოისტი იუკოზე დაიჭირა, რასაც მტკივნეული ილეთი მიყოლა და საფრანგეთში ოქრო საქართველოდან წაიღო.

ფინალამდე სარდალაშვილმა გერმანელ ჰეიდერს დამატებით დროში იუკოთი აჯობა; მეოთხედფინალში მისი მეტოქე იორე ვერსტრაეტენი იყო. ჩვენებურმა ბელგიელს ვაზარი და იუკო აართვა; ნახევარფინალში მსოფლიო რეიტინგის მეორე ნომერი ბალაბაი აღაიევი ვაზარით დასცა და ფინალში გავიდა…

დღესვე, ვაჟა მარგველაშვილი (66) ხორვატ დანი კლაკართან პირველივე წრეში შებოჭვით დამარცხდა და ტურნირს გამოეთიშა.

ქალთა შორის, ჯულიეტა როდონაია (48) ჩირინ ბუკლისთან დამარცხდა, ნინო თათრიშვილს კი, ესტონელი დარია მიჰაილოვა არ გამოუცხდდა, უნგრელ როზა გიორტიაშთან კი დამარცხდა.

17 აპრილს ტატამიზე გავლენ: ეთერ ლიპარტელიანი, ნინო ლოლაძე (ორივე 57), ნინო წიკლაური (63); ლაშა შავდათუაშვილი, მიხეილ ბახბახაშვილი (ორივე 71).