საქართველოს ოლიმპიადაზე მეოთხე ადგილი ერგო

საქართველოს ნაკრებმა ფიგურულ ციგურაობაში ზამთრის XXV ოლიმპიური თამაშების გუნდურ ტურნირზე მეოთხე ადგილი დაიკავა.

ჩვენი გუნდი ბოლომდე მედლისთვის ბრძოლაში იყო. ყველაფერი ბოლო დისციპლინამ გადაწყვიტა. ნიკა ეგაძეს ჯერ კიდევ ჰქონდა შანსი საქართველოსთვის იდტორიული მედალი მოეტანა, მაგრამ…

მანამდე შესანიშნავად იასპარეზეს მეტელკინა/ბერულავას წყვილმა და ანასტასია გუბანოვამ. თუ სპორტულ ცეკვებში ევროპის ჩემპიონებისგან მსგავს გამოსვლას ველოდით, გუბანოვამ მოლოდინს გადააჭარბა და გუნდს ცხრა ქულა მოუტანა.

სწორედ ამის შემდეგ გაჩნდა შანსი ბრინჯაოსთვის გვებრძოლა. საამისოდ, ეგაძეს ორი ადგილით უნდა ეჯობნა იტალიელი რიცოსთვის. სამწუხაროდ, ასე არ მოხდა. ეგაძემ თავისუფალ პროგრამაში მხოლოდ მეხუთე შედეგი აჩვენა და საქართველოს ნაკრები ჯამში 56 ქულით მეოთხე ადგილზე დარჩა. საპრიზო ადგილები კი ასე განაწილდა: 1.აშშ (69); 2.იაპონია (68); 3.იტალია (60).

9 თებერვალს ინდივიდუალურ დისციპლინები იწყება. პირველები ყინულზე სპორტული ცეკვები იქნება და საქართველოს ღირსებას დიანა დევისი და გლებ სმოლკინი დაიცავენ.