საქართველო ლინცში ლიდერებით ბრუნდება

6-8 მარტს ავსტრიის ქალაქ ლინცში ძიუდოისტთა გრან პრი გაიმართება. ტურნირზე ამ დროისთვის საქართველოს ნაკრების 11 ძიუდოისტია დარეგისტრირებული. უნდა ითქვას, რომ გუნდი რამდენიმე ლიდერს კი მოისაკლისებს, მაგრამ ავსტრიაში მაინც საბრძოლო შემადგენლობით ჩავა.

ხანგრძლივი პაუზის შემდეგ ტატამს უბრუნდებიან ტატო გრიგალაშვილი, ილია სულამანიძე და გურამ თუშიშვილი. ამ ძიუდოისტებმა პრესტიჟული პარიზის გრანდ სლემი გამოტოვეს, სადაც ჩვენმა გუნდმა მედლის მოპოვებაც ვერ შეძლო.

ავსტრიის გრან პრიზე 10 კაცი და ერთი ქალი ჩავა, ნაკრების შემადგენლობა კი ასე ასეთია:

კაცებში იასპარეზებენ თორნიკე გიგაური, ვაჟა მარგველაშვილი (ორივე 66კგ), ლაშა შავდათუაშვილი, გიორგი ტერაშვილი (ორივე 73), ზაურ დვალაშვილი (81), ტატო გრიგალაშვილი, ლუკა ჯავახიშვილი (ორივე 90), ილია სულამანიძე (100), ირაკლი დემეტრაშვილი, გურამ თუშიშვილი (ორივე +100); ქალთა შორის ტატამიზე სოფიო სომხიშვილი (+ 78) გავა.