ფუტსალის ნაკრები სომხეთის ტურნირზე გაემგზავრა

საქართველოს ფუტსალის ნაკრები ევროპის ჩემპიონატისთვის მზადების ფარგლებში ერევნის საერთაშორისო ტურნირზე მიიღებს მონაწილეობას.

ავთანდილ ასათიანის გუნდი ერევანში დღეს გაემგზავრა და 21-24 დეკემბერს სამ მატჩს გამართავს. საქართველოს ნაკრების მეტოქეები ყირგიზეთი, მოლდოვა და მასპინძელი სომხეთი იქნებიან.

ჩვენები 21 დეკემბერს ყირგიზეთს ეთამაშებიან, მომდევნო დღეს მოლდოვას გაეჯიბრება, ხოლო 24-ში მასპინძლებს.

საქართველოს ნაკრები სომხეთის დედაქალაქში გასამართ ტურნირზე 17 ფეხბურთელით გაემგზავრა.

მეკარე: თორნიკე ბუკია, ბექა ტყემალაძე (ორივე ნიუ-ვიჟენ ჯორჯიანსი), ალი ასლანი (კსუ);

წინა ხაზი: გიორგი ჩიმაკაძე, არჩილ სებისკვერაძე, საბა ტყეშელაშვილი, ჯანიკო გიორგაძე (ყველა კსუ), ვახტანგ კეკელია, ირაკლი თოდუა, ვახტანგ ჯვარაშვილი, ნიკოლოზ გაბრიჩიძე, ნუკრი ჭუმბურიძე, შოთა თოფურია (ყველა ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ლევან სვანიძე, გიორგი ხაბალაევი (ორივე პსპ), გიორგი ღავთაძე (ტიუმენი, რუსეთი).

შეგახსენებთ, ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება. საქართველოს ნაკრები A ჯგუფში იასპარეზებს, სადაც ჩვენი გუნდის მეტოქეები ლატვია, ხორვატია და საფრანგეთი იქნებიან.