შვიდკაცა ევროპას ჰამბურგში გახსნის

3-5 ივლისს, საქართველოს შვიდკაცა ნაკრები 2026 წლის რაგბი ევროპის ჩემპიონატის პირველ ეტაპზე გერმანიის ქალაქ ჰამბურგში ითამაშებს.

ჩვენი გუნდი G ჯგუფში მოხვდა, სადაც მეტოქეებad იტალია, ბელგია და ლიეტუვა ეყოლება. A ჯგუფში საფრანგეთი, პორტუგალია, დიდი ბრიტანეთი და უკრაინა მოხვდნენ; B ჯგუფში – ესპანეთი, გერმანია, ჩეხეთი და პოლონეთი ითამაშებენ.

შვიდკაცა რაგბი ევროპის უმაღლეს დივიზიონში მისი დაარსების დღიდან, 2002 წლიდან თამაშობს. 2010 წლამდე, შესარჩევი ტურნირების შემდეგ ერთი, ფინალური ეტაპი იმართებოდა. ამ პერიოდში ჩვენმა გუნდმა ერთხელ მეორე ადგილი (2002) დაიკავა, ორჯერ კი, მესამე ადგილზე (2003, 2008) გავიდა.

2011-19 წლებში ჩემპიონატი ხან ორ ეტაპად ტარდებოდა, ხან სამად და ხანაც ოთხად, ხოლო 2021 წლიდან დღემდე, რეგულარულად ორ-ორ ეტაპად იმართება. შარშან საქართველო ორი ეტაპის ჯამში მეცხრე ადგილზე გავიდა. რაც შეეხება მის მეტოქეებს, შარშან იტალია მესამე იყო, ბელგია – მეოთხე, ხოლო ლიეტუვამ მე-10 ადგილი დაიკავა.

რაგბი ევროპის შვიდკაცა ჩემპიონატის მეორე ეტაპი ხორვატიაში, სპლიტში, 24-26 ივლისსაა ჩანიშნული.