შვიდკაცა ნაკრები მერვე ადგილს დასჯერდა

საქართველოს შვიდკაცამ 2026 წლის რაგბი ევროპის ჩემპიონატის პირველი, ჰამბურგის ეტაპი მერვე ადგილზე დაასრულა.

ჯგუფურ ეტაპზე სამივე თამაშის მოგების შემდეგ, ფლეი ოფის სამივე შეხვედრა ბრძოლაში დავთმეთ. მეოთედფინალში იტალიასთან (17:19) წაგების შემდეგ, ჩვენმა გუნდმა მეხუთე ადგილის ნახევარფინალში გადაინაცვლა.

ესპანეთთან კარგი კონტრშეტევის შემდეგ დავით კვირიკაშვილის ძელებსშუა გატანილი ლელოთი დავწინაურდით და გარდასახვაც ზუსტი იყო. თუმცა, ტაიმის ბოლოს ანგარიში გათანაბრდა, მაგრამ კაცნაკლულები დავრჩით. მიუხედავად ამისა, მატის მოდებაძის ლელოთი ისევ წინ გავედით. ერთია, მეორე ტაიმში ლელო გავუშვით და მეტოქის გარდასახვაც ზუსტი იყო და 12:14.

მეშვიდე ადგილისთვის დიდ ბრიტანეთს შევხვდით. მოდებაძემ ანგარიში გახსნა, მეორე ტაიმში კი ლაშა ბარბაქაძემ მეორე ლელო გაიტანა. თუმცა, მეტოქემ ორივეჯერ გვიპასუხა და ძირითადი დრო 12:12 დასრულდა. დამატებით დროში კაცნაკლული დავრჩით, რითაც დიდმა ბრიტანეთმა ისარგებლა და ოქროს ლელოთი 17:12 გაიმარჯვა.

შედეგად, პირველი ეტაპი მერვე ადგილზე დავასრულეთ. ჩვენი შვიდკაცა რაგბი ევროპის მეორე ეტაპზე 24-26 ივლისს ხორვატიაში, სპლიტში ითამაშებს.

საქართველოს შვიდკაცას შემადგენლობა რაგბი ევროპის ჩემპიონატის პირველ ეტაპზე ასეთი იყო:

ნიკოლოზ რეხვიაშვილი, ზურა ძნელაძე, გაგა ქევხიშვილი, ბექა სამსიანი, ლუკა ალიბეგაშვილი, დავით კვრიკაშვილი, ლაშა ბარბაქაძე, მატის მოდებაძე, გიორგი ბაბუნაშვილი, სოსო მათიაშვილი, ნიკოლოზ ნოქარაშვილი, ლაშა კაკაურიძე, საბა არჩვაძე.