ცნობილია როდის შეუერთდება კიტეიშვილი შტურმს

გრაცის შტურმის მთავარი მწვრთნელი იურგენ ზაუმელი ოპტიმისტურად არის განწყობილი და ვარაუდობს, რომ ოთარ კიტეიშვილი ევროპა ლიგის მეორე ტურში რეინჯერსის წინააღმდეგ უკვე მოედანზე იქნება.

მწვრთნელმა ავსტრიულ მედიასთან საუბარში აღნიშნა, რომ ქართველი ნახევარმცველის დაბრუნება თავად ფეხბურთელმა ტელეფონით დაუდასტურა.

„სამწუხაროდ, ოთარს საქართველოში პირადი მიზეზის გამო წასვლა მოუწია. მამის გარდაცვალების გამო კლუბს ნებართვა სთხოვა, რომ სახლში დაბრუნებულიყო და დანიაში შეხვედრაში ვერ დაგვეხმარა. ბუნებრივია, ასეთი ვითარების დროს მხოლოდ ოჯახია პრიორიტეტი და ჩვენც სრული მხარდაჭერა გამოვუხატეთ. ვუთხარით, რომ საჭირო დრო დაეხმარა. ახლა უკვე ჩვენთვის სასიხარულოა, რომ მომდევნო მატჩისთვის, რომელიც ‘რეინჯერსის’ წინააღმდეგ იქნება, დაბრუნებას აპირებს. თავადაც მითხრა, მზად ვიქნები და გუნდთან ერთად ვიქნებიო. ის ერთ-ერთი უმნიშვნელოვანესი ფეხბურთელია „შტურმისთვის“ და მისი არყოფნა ნამდვილად იგრძნობოდა“, – განაცხადა ზაუმელმა.

შეგახსენებთ, რომ ოთარ კიტეიშვილს მიმდინარე სეზონში გამართულ რვა თამაშში ხუთი გოლი აქვს გატანილი.