ბითაძის ორმაგით ორლანდომ შანსი დაიტოვა

NBA-ს რეგულარული სეზონის დასრულებამდე სულ ცოტა რჩება და ფლეი ოფში გასვლის შანსი გოგა ბითაძის ორლანდომაც გაიჩინა. ფლორიდელებმა მინესოტა 132:120 დაამარცხეს და ამ საქმეში ჩვენებურმა დიდი წვლილი შეიტანა.

ბითაძემ სათადარიგოთა სკამიდან დაიწყო, მაგრამ სოლიდური დრო მაინც მიიღო. გოგამ პარკეტზე 21:44 წუთი გაატარა და გუნდს ორმაგი დუბლით შეეშველა. 14 ქულა, 15 მოხსნა, 6 პასი, თითო ჩაჭრა და დაფარება – ასეთია ქართველი ცენტრის მონაგარი.

ბითაძემ 11-დან ექვსი ორქულიანი ჩააგდო და ორივე საჯარიმოც ზუსტად გამოიყენა. პასივში ერთი დაკარგვა ჰქონდა, მისი მოედანზე ყოფნის პერიოდში კი, გუნდმა მეტოქეზე 20 ქულით მეტი ჩააგდო, რაც ორლანდოში მეორე მაჩვენებელი იყო.

ორლანდოს 44 მოგება და 36 მარცხი მოუგროვდა და კონფერენციაში მეშვიდე ადგილზეა. თუმცა,, ძალიან მიუახლოვდა კონკურენტებს: მეხუთე ადგილზე მყოფ ატალნტას ბალანსი 45-35 აქვს, ხოლო მეექვსეზე მყოფ სანდრო მამუკელაშვილის ტორონტოს – 44-35. ატლანტას და ორლანდოს 2-2 მატჩი დარჩათ ჩასატარებელი, ხოლო ტორონტოს – სამი.

იმედია, ფლეი ოფში ორივე ქართველს ვიხილავთ…