ლიეტუვამდე ნაკრებს კიტეიშვილი და გოგლიჩიძე გამოაკლდა

ისრაელთან გამართული ამხანაგური მატჩის შემდეგ საქართველოს ნაკრები ლიეტუვაში გაემგზავრა, სადაც მარტის სანაკრებო პაუზის მეორე შეხვედრას გამართავს.

ტრავმის გამო კაუნასში ნაკრებთან ერთად ვერ გაემგზავრნენ საბა გოგლიჩიძე და ოთარ კიტეიშვილი.

საქართველოს ნაკრები ლიეტუვაში ასეთი შემადგენლობით ჩავა:

მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (ატრომიტოსი, საბერძნეთი), დავით კერესელიძე (დილა);

მცველები: ლუკა ლოჩოშვილი (ნიურნბერგი, გერმანია), ლაშა დვალი (ცსკა, ბულგარეთი), ივა გელაშვილი (პანსერაიკოსი, საბერძნეთი), ლუკა გადრანი (ბეითარი, ისრაელი), ილია ბერიაშვილი (მტკ, უნგრეთი), გიორგი გოჩოლეიშვილი (ჰამბურგი, გერმანია), ირაკლი აზაროვი (შახტარი, უკრაინა);

ნახევარდაცვა: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო), გიზი მამაგეიშვილი (შტურმი, ავსტრია), გიორგი წიტაიშვილი (მეცი, საფრანგეთი), ზურიკო დავითაშვილი (სენტ-ეტიენი, საფრანგეთი), გიორგი კვერნაძე (ფროზინონე, იტალია), ხვიჩა კვარაცხელია (პსჟ, საფრანგეთი);

თავდასხმა: ბუდუ ზივზივაძე (ჰაიდენჰაიმი, გერმანია), გიორგი გულიაშვილი (რასინგი, ესპანეთი), გიორგი მიქაუტაძე (ვილიარეალი, ესპანეთი);

ლიეტუვა-საქართველოს მატჩი 29 მარტს, 17:00 საათზე დაიწყება.