მამუკელაშვილისა და ბითაძის მოგებები

NBA-ში მოთამაშე ორივე ქართველის გინდმა წინასასეზონო მატჩები გამართა და ორივემ მოიგო. საინტერესო ის არის, რომ ორივე ჩვენებურმა მოედანზე საკმარისი დრო გაატარა.

სანდრო მამუკელაშვილის ტორონტო რეპტორსმა 113:112 ვაშინგტონ ვიზარდსი დაამარცხა. სანდრო პიოლტლის არყოფნაში სასტარტო ხუთეულში იყო და ნორმალური სტატისტიკა ჰქონდა. 26 წლის ქართველმა 19:40 წუთში 8 ქულა, 9 მოხსნა, 3 პასი და 2 ჩაჭრა მოინაგრა. მამუმ შვიდიდან ოთხი ორქულიანი ჩააგდო, ოთხივე სამქულიანი კი ააცილა. მისი მოედანზე ყოფნისას ტორონტო მეტოქეზე ექვსი ქულით მეტი ჩააგდო.

გოგა ბითაძის ორლანდომ კი, 120:104 მაიმი ჰითს მოუგო. ბითაძე სათადარიგოთა სკამიდან ჩაერთო თამაშში და პარკეტზე 17:20 წუთი დაჰყო. გოგას მონაგარი 2 ქულა, 8 მოხსნა, 2 დაფარება და 1 ჩაჭრაა. ჩვენებურმა სამიდან ერთი ორქულიანი ჩააგდო, ხოლო სამქულიანი ორჯერ სცადა და უშედეგოდ. ქართველის მოედანზე ყოფნისას ტორონტომ 16 ქულით მეტი ჩააგდო, რაც ორივე გუნდში საუკეთესო მაჩვენებელი იყო.