გამოგვიწერეთ

კალათბურთი

ფავორიტების დამაჯერებელი გამარჯვებები

გააზიარეთ

კალათბურთში, საქართველოს თასის გათამაშების მერვედფინალში, პირველი რაუნდის ბოლო სამი მატჩი გაიმართა და შემდეგ ეტაპზე გამსვლელთა ვინაობაც თითქმის გარკვეულია.

თსუ-მ პირველი ლიგის წევრი – ლიბერთი (ყოფილი თავისუფალი უნივერსიტეტი) 95:75 დაამარცხა და სენსაცია უნდა მოხდეს, მეოთხედფინალს რომ ვერ უწიოს.

ყველაზე არხეინად ზესტაფონელები არიან, რომლებმაც თბილისი არენაზე ა ლიგის დებიუტანტი ვინგსი 40-ქულიანი სხვაობით – 120:80 დაამარცხეს.

23-ქულიანი ჰანდიკაპია კიდევ ერთ ზედა-ქვედა ლიგების წყვილში. თასის გათამაშების შარშანდელმა გამარჯვებულმა ქუთაისმა ა ლიგის კიდევ ერთ დებიუტანტ ახალციხეს 91:68 მოუგო. იმერულმა კლუბმა მეტოქეს გართულებების გარეშე სძლია და მეოთხედფინალისკენ მიმავალი გზა გვარიანად გაიკვალა.

მერვედფინალური სერიის საპასუხო მატჩები 21, 22, 23 და 24 იანვარს გაიმართება.

ნახვები: 754
მსგავსი თემები
რეკლამა

იხილე მეტი

ოქტომბერი 2026
ო ს ო ხ პ შ კ
 1234
567891011
12131415161718
19202122232425
262728293031  

იხილეთ სრულად კალათბურთი