გამოგვიწერეთ

კალათბურთი

შერმადინი და ტენერიფე ესპანეთში წაუგებლად მიდიან

გააზიარეთ

გიორგი შერმადინი და ტენერიფე ესპანეთის ჩემპიონატში წაუგებელ სვლას განაგრძობენ. შერმადინი შედეგიანად თამაშობს, ტენერიფე კი – იგებს. ლიგა ენდესას მესამე ტურში კუნძულელებმა მურსია ზედმეტი გართულებების გარეშე დაამარცხეს – 96:80.

ტენერიფემ მეტოქეს ხელი პირველივე ნახევარში მოუთავა, რომელიც 15 ქულით მოიგო და მეორეში მოპოვებული უპირატესობა წარმატებით შეინარჩუნა, რაც შერმადინის დამსახურებაც გახლდათ. ქართველმა ცენტრმა სასტარტო ხუთეულში ითამაშა და მოედანზე გატარებულ 22 წუთში 13 ქულა, 4 მოხსნა და 3 პასი მოაგროვა. შერმადინის სარგებლიანობის ინდექსმა 18 შეადგინა, რაც გუნდში მარსელინიო ჰუერტასის (20) შემდეგ მეორე მაჩვენებელია.

სამიდან სამი მოგებით ტენერიფე ცხრილის სათავეშია, მაგრამ კონკურენტები ამ ტურის მატჩებს დღეს თამაშობენ. მეოთხე ტურში, 25 ოქტომბერს, ტენერიფე უნიკახას უმასპინძლებს.

ნახვები: 310
მსგავსი თემები
რეკლამა

იხილე მეტი

მარტი 2026
ო ს ო ხ პ შ კ
 1
2345678
9101112131415
16171819202122
23242526272829
3031  

იხილეთ სრულად კალათბურთი