ასაკობრივებს წილი უყარეს, საქართველო მასპინძლებშია

ნიონში, UEFA-ს სათაო ოფისში, ასაკობრივი გუნდების წილისყრა გაიმართა, სადაც ევროპის ჩემპიონატების შესარჩევ ციკლში, საქართველოს 17 და 19 წლამდე ასაკობრივი ნაკრებების მეტოქეები გაირკვა.

ღონისძიება 19 წლამდე ნაკრების წილისყრით დაიწყო, რომელიც ივნისში დაიწყება. ახალი ფორმატის მიხედვით, საკვალიფიკაციო ეტაპი სამრაუნდიანი გახდა და A და B ლიგებად დაიყო. ფინალურ ეტაპზე, მესამე რაუნდში, ჯგუფის გამარჯვებული შვიდი გუნდი მოხვდება, რომლებსაც მერვე გუნდად მასპინძელი ქვეყანა დაემატებათ.

ზურაბ ხიზანიშვილის 19-წლამდელები, სამგუნდიან ჯგუფში მონტენეგროსა და ისლანდიას დაუპირისპირდებიან. პირველი რაუნდის მატჩებს, 3-9 ივნისს საქართველო უმასპინძლებს.

ალექსანდრე კობახიძის 17 წლამდე ნაკრები გაზაფხულზე სარეიტინგო ტურნირში მიიღებს მონაწილეობას. ხოლო გიორგი ჩიტაურის 16-წლამდელები, 2026 წლის შემოდგომაზე 17-წლამდელთა ევროპის ჩემპიონატის შესარჩევ ციკლში ჩაერთვებიან.

ალექსანდრე კობახიძის გუნდი უელსს, სან მარინოსა და ანდორას შეხვდება. სარეიტინგო ტურნირის მატჩებს 11-17 აპრილს სან მარინო უმასპინძლებს;

გიორგი ჩიტაურის გუნდი, სამგუნდიან ჯგუფში ყაზახეთსა და ავსტრიას დაუპირისპირდება. შესარჩევი ციკლის მატჩებს 11-17 ნოემბერს, საქართველო უმასპინძლებს.

თუ 2009 წელს დაბადებულთა ფორმაციის 17 წლამდე ნაკრებმა ჯგუფში პირველი ადგილი დაიკავა, მომდევნო ფორმაციის 19 წლამდე ნაკრები შესარჩევი ციკლის პირველ რაუნდს A ლიგაში დაიწყებს.