დინამო შოკშია, გაგრამ ბოლო წუთზე გაიმარჯვა

ეროვნული ლიგის 24-ე ტურში დინამო თბილისმა საკუთარ მოედანზე მტკივნეული მარცხი იწვნია. დედაქალაქური გუნდი გაგრას დაუპირისპირდა და შეხვედრა სტუმართა გამარჯვებით – 1:0 დასრულდა.

მატჩის პირველი ტაიმი დაძაბული იყო, თუმცა გარდამტეხი ეპიზოდი 44-ე წუთზე დაფიქსირდა: დინამოს ფეხბურთელი ლეო ასუნსაო წითელი ბარათით გააძევეს, რის გამოც თბილისელები მთელი მეორე ტაიმი რიცხობრივ უმცირესობაში აღმოჩნდნენ.

მიუხედავად ამისა, დინამომ რამდენიმე სახიფათო მომენტი შექმნა, მაგრამ ბურთი კარის ჩარჩოში იშვიათად ხვდებოდა. სტუმრებმა კი თავდაჯერებულად ითამაშეს და ბოლო წუთებზე მათი ძალისხმევა შედეგიანადაც დასრულდა. 93-ე დამატებულ წუთზე მსაჯმა პენალტი დანიშნა, რომელიც ბრაზილიელმა ვანდერსონმა ზუსტად შეასრულა და გაგრას სამი ქულა მოუტანა.

დინამო თბილისი 38 ქულით მესამე ადგილზე რჩება, გაგრა კი 32 ქულით მეექვსე პოზიციაზეა.