ნერგაძე, იონსენი და სიმბოლური ნაკრები

საქართველოს საფეხბურთო ჩემპიონატის დასრულების შემდეგ ეროვნული ლიგის მეოთხე წრის საუკეთესო მწვრთნელი, ფეხბურთელი და სიმბოლური ნაკრები დასახელდა.

მეოთხე წრის საუკეთესო მწვრთნელი – გუგა ნერგაძე (იბერია 1999)

ნერგაძემ გუნდი მაშინ ჩაიბარა, როდესაც იბერია გორის დილას ექვსი ქულით ჩამორჩებოდა. ახალი მწვრთნელის ხელმძღვანელობით გუნდმა 10-დან რვა მატჩი მოიგო, გადამწყვეტ, მეოთხე წრეში კი, ცხრიდან – რვა და გუნდს ჩემპიონის ტიტული მოაგებინა.

მეოთხე წრის საუკეთესო ფეხბურთელი – ბიორნ იონსენი (ტორპედო)

ქუთაისური კლუბის თავდამსხმელმა ბოლო ცხრა მატჩში ცხრა გოლი გაიტანა და ერთი საგოლე პასიც მიითვალა. ჯამში ნორვეგიელი ლეგიონერი, 21 გატანილი გოლით, ეროვნული ლიგის სეზონის საუკეთესო ბომბარდირიც გახდა.

მეოთხე წრის სიმბოლური ნაკრები

მეკარე: გიორგი მაკარიძე (იბერია);

მცველები: ალექსანდრე ანდრონიკაშვილი (დილა), გიორგი ჯინჯოლავა, დერეკ აგიაკვა, არმელ ზოური (ყველა იბერია);

ნახევარმცველები: აბუბაქარ კონტე (დილა), ბაქარ ქარდავა (იბერია), ვლადიმერ მამუჩაშვილი (ტორპედო);

თავდამსხმელები: გიორგი ფანცულაია (სამგურალი), ბიორნ იონსენი (ტორპედო), დავით მუჯირი (გაგრა).