რეგიონული ლიგის გ ჯგუფს დებიუტანტი ვესტ ჯორჯია ლიდერობს

რეგიონული ლიგის გ ჯგუფის სატურნირო ცხრილს 10 ტურის შემდეგ, ვესტ ჯორჯია 25 ქულით ლიდერობს. გუნდისთვის ეს სადებიუტო სეზონია, თუმცა უკვე დაამტკიცეს, რომ სერიოზული ამბიციები აქვთ – მათი მთავარი მიზანი მეოთხე ლიგაში დაწინაურებაა.

ვესტ ჯორჯია ქალაქ ბათუმიდან წარმოშობილი კლუბია და საშინაო შეხვედრებსაც იქ ატარებს. გუნდი მხოლოდ წლეულს არ გამოჩენილა ქართულ ფეხბურთში – რამდენიმე წელია ფუნქციონირებს ვესტ ჯორჯიას საფეხბურთო აკადემიაც, რომელიც ახალგაზრდა ფეხბურთელების აღზრდაზე მუშაობს და ახალი თაობის ჩამოყალიბებას ემსახურება.

ცხრილის მეორე ადგილზე ამ ეტაპზე ტორპედო 2 იმყოფება 22 ქულით. ქუთაისური კლუბის სარეზერვო გუნდი აშკარად გამორჩეულ სეზონს ატარებს და ერთ-ერთი მთავარი კონკურენტი არის პირველობისთვის.

ცნობისთვის, პირველ ადგილზე გასული გუნდი პირდაპირ მეოთხე ლიგაში გადადის, ხოლო მეორე ადგილზე გასული გუნდი ფლეი-ოფს თამაშობს.