სლუცკი: “წარმოიდგინეთ, ერთად თამაშობდნენ მხითარიანი, კვარაცხელია და უკრაინელები”

შანხაი შენჰუას მთავარმა მწვრთნელმა, ლეონიდ სლუცკიმ, საბჭოთა და თანამედროვე ფეხბურთის შედარებისას მორიგი განცხადება გააკეთა და ამ კონტექსტში თბილისის დინამოს წარმატებაც გაიხსენა. რუსი სპეციალისტი ასევე შეეხო ხვიჩა კვარაცხელიას.

“ხშირად მესმის მოსაზრება, თითქოს საბჭოთა პერიოდის ფეხბურთი დღეს არსებულზე უკეთესი იყო, თუმცა ამაზე ვერ დავთანხმდები. მაშინ საბჭოთა კავშირის ნაკრებს 15 ქვეყნის საუკეთესო ფეხბურთელები ჰყავდა შერჩეული. წარმოიდგინეთ, დღევანდელ ფეხბურთში ერთად თამაშობდნენ მხითარიანი, კვარაცხელია და თანამედროვე უკრაინელი ლიდერები, მათგან უმაღლესი დონის გუნდი გამოვიდოდა.

რაც შეეხება საკლუბო დონეს: მიუხედავად იმისა, რომ ქვეყანა 15 რესპუბლიკას აერთიანებდა, ევროპის მასშტაბით წარმატებას მხოლოდ ორ კლუბს კიევის დინამოსა და თბილისის დინამოს მოუტანია. ეს ცხადყოფს, რომ წარსულში ჩვენს ფეხბურთს უფრო მეტი პრობლემა ჰქონდა, ვიდრე დღეს ბევრი მიიჩნევს”, – აღნიშნა სლუცკიმ.