ფრანგების მწვალებლები და ჯალათები

საფრანგეთის ნაკრების ფიასკო, კრახი – ასე აფასებენ ფრანგული მედიის წარმომადგენლები ევრობასკეტზე „სამფეროვენების“ საქართველოსთან (70:80) წაგებას.

იქაური წამყვანი გამოცემები წერენ, რომ წააგეს კომპლექსებისგან დაცლილ, უფრო გამოცდილ გუნდთან, რომელიც თავიდანვე კარნახობდა მატჩის ტემპს და მოახერხა ახალგაზრდა, სწრაფი ფრანგებისთვის საკუთარი თამაში მოეხვია. ქართველებისგან ცივ შხაპს არავინ ელოდა. ჯგუფის მეოთხე და ბოლო კვალიფიკაციის მქონე კავკასიელებმა ჯგუფში პირველ ადგილზე გასული ფრანგები დააზარალეს.

წერენ იმასაც, რომ ფრანგების გეგმა იყო შეეზღუდათ „დიდი“ გოგა ბითაძე (8 ქულა), მაგრამ ამან ხელ-ფეხი გაუხსნა კამარ ბოლდუინს (24 ქულა), თორნიკე შენგელიასა (24 ქულა) და სანდრო მამუკელაშვილს (14 ქულა, 11 მოხსნა). სხვადასხვა გამოცემები მათ ასეთი ეპიტეთებით ამკობენ – ფრანგების “მწვალებლები” და “ჯალათები”.

შეგახსენებთ, საქართველოს ნაკრებმა მიმდინარე ევროპის ჩემპიონატზე ისტორიული შედეგი დააფიქსირა და საუკეთესო რვა გუნდში მოხვდა. შემდეგი გაჩერება ფინეთი და ოთხეულია…