ქართველი მსაჯები ევროპულ მატჩებზე

საქართველოს ფეხბურთის ფედერაციის პრეს-სამსახურის ცნობით, ქართველი მსაჯები რამდენიმე ევროპულ მატჩს მოემსახურებიან.

უეფას ახალგაზრდული ლიგის მატჩს პოლონურ ლეგიასა და ბერძნულ პაოკ-ის მთავარი არბიტრი ალეკო აფციაურია, მას ასისტენტობას დავით ჩიგოგიძე და ბორის ჟვანია გაუწევენ. მატჩი 25 ნოემბერს, პოლონეთში გაიმართება.

19 წლამდე გოგონათა ევროპის ჩემპიონატის საკვალიფიკაციო ეტაპის მატჩებს განსჯიან თეონა სტურუა და ელენე ელოშვილი. ქართველი მსაჯები B6 ჯგუფის სამ თამაშზე იმუშავებენ: ჯგუფში მასპინძელი მალტა, ისრაელი, ლატვია და ყაზახეთი ასპარეზობენ. ტურნირი 25 ნოემბრიდან 1 დეკემბრის ჩათვლით გაიმართება.

27 ნოემბერს, უეფას ევროპა ლიგის მატჩზე იმუშავებს სფფ-ის მსაჯთა განყოფილების უფროსის მოადგილე ლევან ფანიაშვილი, რომელიც თელ-ავივის მაკაბისა და ლიონის შეხვედრაზე მსაჯთა დამკვირვებლის სტატუსით იქნება წარმოდგენილი. მატჩი სერბეთში, ბაჩკა ტოპოლაში გაიმართება.