ხელბურთელ ლეგიონერთა ევროპული ამბები

ქართველმა ხელბურთელებმა ევროპის ჩემპიონატებში მორიგი ტურის მატჩები ითამაშეს. მათ შორის რამდენიმე გამორჩეულ გთავაზობთ.

საფრანგეთში ექს ან პროვანსს დატვირთული კვირა ჰქონდა. ქართველი ლეგიონერის, ნიკოლოზ კალანდაძის გუნდი საფრანგეთის თასზე ფრონტინიან ტოს ესტუმრა და 31:25 მოუგო. საფრანგეთის თასისგან განსხვავებით ჩემპიონატში არ გაუმართლა სენ რაფაელთან და 26:27 დამარცხდა. კალანდაძის ანგარიშზე სამი გოლია.

ხორვატიაში ზაგრებმა პრემიერ ლიგის მე-14 ტურში უმაგი მიიღო და 32:24 დაამარცხა. ზაგრებელთა ქართველი ლეგიონერის, გიორგი ცხოვრებაძის ანგარიშზე ერთი გოლი და ოთხი ასისტია.

პოლონეთის სუპერ ლიგის მე-15 ტურში მირიან გავაშელიშვილის ოსტროვიამ სტუმრად გვარდიას დამაჯერებელად აჯობა – 29:21. მოგებაში ორი გატანილი ბურთით საკუთარი წვლილი ქართველმა მოთამაშემ შეიტანა. აღსანიშნავია ისიც, რომ ოსტროვიამ სუპერ ლიგაში ზედიზედ მეექვსე მატჩი მოიგო.

წარუმატებელი მატჩი ჰქონდა ზურაბ ცინცაძის ლეგიონოვოს, რომელიც მელეცის სტალთან გასვლით მატჩში 23:27 დამარცხდა. საქართველოს ნაკრების მეკარემ 11 სეივი შეასრულა.

ისლანდიაში გიორგი დიხამინჯია კი გამოირჩა, მაგრამ მისი აკიურეირ აფტურელდინგთან საკუთარი გულშემატკივრის წინაშე 22:28  დამარცხდა. ჩვენებური შვიდი გატანილი ბურთით ორივე გუნდიდან ერთ-ერთი საუკეთესო იყო.