18 წლამდე ნაკრები ევროპის ჩემპიონატს დაიწყებს

24 ივლისიდან 2 აგვისტოს ჩათვლით ხორვატია 18 წლამდე კალათბურთელთა ევროპის ჩემპიონატის B დივიზიონის მატჩებს უმასპინძლებს.

საქართველოს ნაკრები D ჯგუფშია, სადაც მეტოქეებად შვედეთი, ბოსნია-ჰერცეგოვინა, ჩრდილოეთ მაკედონია და უნგრეთი ეყოლება.

ქართველი კალათბურთელები 24 ივლისს ჩრდილოეთ მაკედონიას შეხვდებიან, 25 ივლისს – შვედეთს, 28 ივლისს – ბოსნია-ჰერცეგოვინას, ხოლო 29 ივლისს – უნგრეთს.

ჩვენი გუნდის მთავარმა მწვრთნელმა, ანატოლი ბოისამ ხორვატიისთვის ასეთი შემადგენლობა გამოიძახა: დავით ფაჩულია, გაბრიელ ბალანჩივაძე, საბა ფაჩულია, ილია ქურდაძე, გიორგი გოგოლაშვილი, ილია სულაძე, მათე ყავლაშვილი, ირაკლი ქარდავა, დავით ტრაპაიძე, სანდრო შერვაშიძე, აკმალხან აუბაკიროვი, მათე ხატიაშვილი.

ტურნირის ფორმატის თანახმად, ყველა ადგილი გათამაშდება, A დივიზიონის საგზურებს კი, სამი საუკეთესო ნაკრები მოიპოვებს.

იმისთვის, რომ საქართველოს ნაკრებმა ელიტაში გადასასვლელად ბრძოლა გააგრძელოს, ჯგუფურ ეტაპზე ორ საუკეთესო გუნდს შორის მოხვედრაა საჭირო.