ლევან კუტალია სამტრედიაში ითამაშებს!

ეროვნული ლიგა 2-ის წარმომადგენელმა სამტრედიამ გუნდის გაძლიერება სერიოზულად დაიწყო და გამოცდილ თავდამსხმელთან, ლევან კუტალიასთან გააფორმა კონტრაქტი.

36 წლის ფორვარდი ბოლოს რუსთავში თამაშობდა.

კუტალია ქართული ფეხბურთის ერთ-ერთი ყველაზე გამოცდილი თავდამსხმელია, რომელმაც კარიერის განმავლობაში არაერთ კლუბში იასპარეზა, მათ შორის უცხოეთში.

ლევან კუტალიას კარიერა:

ზუგდიდის მგლები, სლავიასა და ზრინსკი მოსტარი (ბოსნია და ჰერცეგოვინა), ზესტაფონი, შუქურა, მერანი, ტორპედო, დილა, თბილისის ლოკომოტივი, თბილისის დინამო, ირტიში (ყაზახეთი), ჰაპოელ თელ-ავივი, ჰაპოელ უმ ელ-ფახმი, ნეს ზიონა (ისრაელი), ალაშკერტი (სომხეთი), დინამო ბათუმი, სამგურალი, რუსთავი.

ცნობისთვის, კუტალია 2019 წელს დინამო თბილისის რიგებში ეროვნულ ლიგაში 20 გოლით სეზონის ბომბარდირი გახდა და GFF-ის დაჯილდოებაზე წლის საუკეთესო თავდამსხმელად დაასახელეს.

დიდი გამოცდილების მქონე კუტალია სამტრედიაში მოლოდინისამებრ ერთ-ერთი ლიდერი იქნება და გუნდის წინსვლაში მნიშვნელოვანი როლის შესრულებას ეცდება.