ალეკსანდარ ჯიკიჩი: შესანიშნავი ციფრებია

საქართველოს ნაკრებმა მონტენეგრო 101:74 დაამარცხა და 2027 წლის მსოფლიო ჩემპიონატის მეორე საკვალიფიკაციო ეტაპი ძალიან მნიშვნელოვანი მოგებით დაიწყო.

მატჩის დასრულების შემდეგ, ჩვენი გუნდის მთავარმა მწვრთნელმა, ალეკსანდარ ჯიკიჩმა ისაუბრა.

ალეკსანდარ ჯიკიჩი:

„მეტოქე მეოთხე მეოთხედში გავტეხეთ. ძალიან, ძალიან მძიმე თამაში იყო. მონტენეგროელები ფიზიკურად ძლიერები არიან და ბოლომდე იბრძვიან. შეგვეძლო უკეთ გვეთამაშა? კი. ალბათ ფიქრობთ – ეს კაცი რას ლაპარაკობსო, მაგრამ ვიცი, რომ ჩემს გუნდს უკეთ თამაში შეუძლია. ​ერთ რამეს გავუსვამ ხაზს და გთხოვთ, ძალიან გთხოვთ, ეს გააშუქოთ: ეს არის თამაში, სადაც საქართველოს ნაკრებს 23 პასი და მხოლოდ სამი დაკარგვა ჰქონდა. ამაზე ბედნიერი ვერ ვიქნები. ეს შესანიშნავი ციფრებია…

რას უნდა ველოდოთ პორტუგალიასთან? ფიზიკურად ძლიერ ნაკრებს და ბრძოლას. ძალიან აგრესიულები იქნებიან. ჰყავთ NBA-ის დონის მოთამაშე. დაცვაში ჩვენს მაღლებს უნდა დავეხმაროთ და შეტევაში ბურთი გავიყოთ. ჩვენი გეგმაა, მაქსიმალურად გამოვიყენოთ ჩვენი საუკეთესო კალათბურთელების რესურსი. ისინი პროფესიონალები არიან და ყოველი თამაში მათთვის გამოცდაა. უზარმაზარი სიხარული და მადლიერებაა რომ ჩამოვიდნენ და საკუთარი ქვეყნისთვის თამაშობენ“.

საქართველოს ნაკრები მომდევნო მატჩს 31 აგვისტოს, პორტუგალიასთან გამართავს.

ამ დროისთვის ჯგუფში ასეთი მდგომარეობაა: ესპანეთი, უკრაინა (5-2); მონტენეგრო, პორტუგალია, საქართველო (4-3); საბერძნეთი (3-4).