მონტენეგრო დამარცხებულია, მსოფლიომდე გზა დამოკლდა

2027 წლის მსოფლიო ჩემპიონატის მეორე საკვალიფიკაციო ეტაპის საწყის მატჩში საქართველოს კალათბურთელთა ნაკრებმა უახლოეს კონკურენტ მონტენეგროს უმასპინძლა და 101:74 დაჩაგრა.

მიუხედავად იმისა, რომ პირველ ტაიმში ხარვეზები გამოჩნდა, ცუდი თამაში ნამდვილად არ გვქონია. განსაკუთრებით დასკვნით ნაწილში ვიყოჩაღეთ და მეტოქეს ყველა იმედი გადავუწურეთ.

პირველი მეოთხედი 10 ქულით მოვიგეთ, მაგრამ მეორე მეოთხედის გარკვეული ნაწილი ჩავაგდეთ და დიდ შესვენებაზე სულ რაღაც ექვს ქულას ვიგებდით. მონტენეგრო მესამე მეოთხედშიც გაგვიძალიანდა, მაგრამ ბოლო პერიოდს 10-ქულიანი უპირატესობით შევხვდით; ანტრაქტი კი ჩვენი იყო – მეტოქეს 24:7 ვაჯობეთ, საქმე გამარჯვებამდე იოლად მივიყვანეთ და მსოფლიო გზა შევიმოკლეთ.

ჯიკიჩმა 12-დან შვიდი კალათბურთელი დატვირთა, ხოლო ორს მცირე დრო მიეცა. აღსანიშნავია, რომ ვისგანაც ველოდით, საჭირო ქულები გააკეთეს: თორნიკე შენგელია 24 ქულა 7 მოხსნა; გოგა ბითაძე – 23 ქულა, 8 მოხსნა; სანდრო მამუკელაშვილი – 17 ქულა, 7 ქულა, 6 პასი; მარკიზ რიდი 12 ქულა, 8 პასი; რატი ანდრონიკაშვილმა 9 ქულა გაახერხა; ალექსანდრე მერკვილაძემ და დუდა სანაძემ – 6-6; გიორგი ტურძილაძე და გიორგი ოჩხიკიძე გუნდს 2-2 ქულით შეეშველნენ.

მომდევნო მატჩში, 31 აგვისტოს, ჯიკიჩის კრებული პორტუგალიას ესტუმრება.