ახალციხის სამცხე მომდევნო სეზონიდან ისტორიულ სახელს – მესხეთს დაიბრუნებს

ახალციხის სამცხე მომდევნო სეზონიდან ისტორიულ სახელს – მესხეთს დაიბრუნებს.

ახალციხის სამცხეს მთავარი მწვრთნელის, უჩა სოსიაშვილის თქმით, კლუბი მომდევნო სეზონიდან ისტორიულ სახელწოდებას – მესხეთს დაიბრუნებს.

„ჩვენ გვინდოდა, რომ გუნდისთვის სახელი წელსვე შეგვეცვალა და სამცხის მაგივრად მესხეთი დაგვერქვა, მაგრამ განაცხადის გაკეთება ცოტა დაგვიანდა. მომავალ სეზონში უკვე ოფიციალურად მესხეთი ვიქნებით, რადგან ეს ტრადიციული გუნდია,“ – აღნიშნა სოსიაშვილმა Leadersport-თან საუბარში.

ისტორიულად, მესხეთი 2005 წელს დაარსდა და იმავე სეზონიდან საქართველოს პირველ ლიგაში ასპარეზობდა. 2007 წელს კი კლუბმა უმაღლეს ლიგაში გადასვლა მოახერხა. წარსულში იურიდიული მიზეზების გამო ორი მესხეთის ერთდროული არსებობა შეუძლებელი იყო, რის გამოც გუნდმა დროებით სამცხის სახელწოდება მიიღო.

ცნობისთვის, ახალციხის საფეხბურთო გუნდი სამცხე ამჟამად რეგიონული ლიგის “ბ” ჯგუფშია და 12-დან 12-ივე მოგება აქვს და სატურნირო ცხრილს ერთპიროვნულად ლიდერობს.