ბოლდუინი ბაიერნს მიუახლოვდა

BasketNews-ის ჟურნალისტი, დომანტას ურბონასი საკუთარ წყაროებზე დაყრდნობით წერს, რომ მიუნხენის ბაიერნი უკანა ხაზის გასაძლიერებლად კამარ ბოლდუინთან შეთანხმებას უახლოვდება.

შეგახსენებთ, 27 წლის მცველი საქართველოს ნაკრებში თამაშობს და რამდენიმე საათის წინ ხელშეკრულება ბასკონიასთან გაწყვიტა. როგორც ჩანს, ამერიკელი ჩვენებური ბაიერნის უკანა ხაზის ერთ-ერთი მთავარი დამატება გახდება, რომელიც ამ სეზონის შემდეგ მნიშვნელოვან ცვლილებებს განიცდის.

2024–25 წლების სეზონის შემდეგ ბაიერნი უკანა ხაზში სამმა ძირითადმა კალათბურთელმა დატოვა. გუნდიდან წავიდნენ ევროლიგის საუკეთესო ბომბარდირი კარსენ ედვარდსი, წლის საუკეთესო მცველი ნიკ ვაილერ-ბაბი და ვეტერანი მცველი შაბაზ ნაპიერი.

როგორც ჩანს, ბოლდუინი სწორედ მცველების შევასებად სჭირდებათ და კამარიც მეორე ევროლიგის კლუბს ევრობასკეტის შემდეგ შეუერთდება.

შეგახსენებთ, ბასკონიაში თამაშისას ბოლდუინი საშუალოდ 21 წუთში 7.1 ქულას, 1.7 მოხსნასა და 3.7 პასს აგროვებდა.

ბოლდუინმა ასევე კარგად ითამაშა ესპანეთის ACB ლიგაში, სადაც მისი მონაგარი საშუალოდ 9.3 ქულა, 2.5 მოხსნა და 3.1 პასი იყო.

იმასაც შეგახსენებთ, რომ ბოლდუინი ამჟამად საქართველოს ნაკრებთან ერთად ევრობასკეტ 2025-ისთვის ემზადება.