გადაწყვეტილება მიღებულია – რა ბედი ელის ბარკოლას

ხვიჩა კვარაცხელიას ტრანსფერის ფონზე ბრედლი ბარკოლას სათამაშო დრო და მნიშვნელობა მკვეთრადაა შემცირებული, რის გამოც, ფრანგ ფეხბურთელს პსჟ-ს დატოვებას უწინასწარმეტყველებდნენ.

Sky Sports-ის ჟურნალისტი ფლორიან პლეტენბერგი იტყობინება, რომ მიუხედავად არაერთი შეთავაზებისა, პსჟ-ში გადაწყვეტილება მიიღეს – ბარკოლა შემდგომ სეზონს კვლავ პარიზული გრანდის რიგებში დაიწყებს.

როგორც ირკვევა, პსჟ ბარკოლასთან ახალი კონტრაქტის გაფორმებაზე იმუშავებს. ამჟამინდელი კონტრაქტი 2028-წლამდეა გათვლილი, ხოლო შეთანხმების შემთხვევაში ბარკოლას პარიზული მომავალი გაცილებით ხანგრძლივი იქნება.

მიუხედავად ამისა, პლეტენბერგი იუწყება, რომ პსჟ-ს მხრიდან სატრანსფერო ფანჯარაზე აქტიურობაც არაა გამორიცხული. შეიძლება ფრანგული გუნდის მხრიდან მაღალი დონის გარემარბის ტრანსფერი მაინც ვიხილოთ, ამჟამად კი ყველაზე რეალისტურად როდრიგო გოეშის ტრანსფერი მოჩანს მადრიდის რეალიდან, რომელსაც ამავდროულად ლონდონის არსენალი და ლივერპული აკვირდებიან.