დუპლანტისი დაფრინავს, დუპლანტისი არ დადის

შვედი ჭოკით მხტომელი მონდო დუპლანტისი „არანორმალური“ ბიჭია. სკანდინავიელი ზედიზედ მესამედ გახდა მსოფლიოს ჩემპიონი და მე-14 მსოფლიო რეკორდი დაამყარა. დღეიდან პლანეტის რეკორდი 6 მეტრი და 30 სანტიმეტრია.

დუპლანტისმა მესამე მსოფლიო ჩემპიონობა ტოკიოში იზეიმა. არადა, სულ 25 წლის არის და ტიტულები მარტო წელს იმდენი დაუგროვდა, სხვები კარიერის მანძილზე ვერ მოინაგრავენ: ჯერ მსოფლიოს ჩემპიონი დახურულ დარბაზში გახდა; შემდეგ ბრილიანტის ლიგის შვიდ ეტაპი მოიგო  – მათ შორის ფინალი; ახლა კი სართად მსოფლიო ჩემპიონატიც დააყოლა. მარტო წელს ოთხჯერ გააუმჯობესა მსოფლიო რეკორდი.

რაც შეეხება კარიერის მანძილზე მეთოთხმეტედ გაუმჯობესებულ მსოფლიო რეკორდს, ამით ლეგენდარულ უკრაინელს, სერგეი ბუბკას გაუთანაბრდა. ისეთი ბიჭია, არ გაჩერდება…