იური ტაბატაძე ფულემსა და ბრაიტონს სურს

გამოცემა Fichajes-ის ცნობით, იური ტაბატაძე იანვრის სატრანსფერო ფანჯრის წინ ფულემის მთავარი სამიზნეა და ვინგერისთვის ბრძოლაში ბრაიტონი უპირისპირდება. კადისის ფეხბურთელი ზაფხულში ესპანეთში გადასვლის შემდეგ შესანიშნავად თამაშობს, მაგრამ პრემიერ ლიგის გუნდები ცდილობენ, ლა ლიგა 2-ში თამაშის დასრულებასა და ინგლისში გადასვლაში დაარწმუნონ.

ტაბატაძე კადისისთვის ნამდვილი აღმოჩენა იყო მას შემდეგ, რაც ზაფხულში ქართული იბერია 1999-დან გადავიდა. ფლანგელმა ესპანეთის მეორე დივიზიონის გუნდის მაისურით მიმდინარე სეზონში ყველა ტურნირზე 10 მატჩში ოთხი გოლი გაიტანა და ორი საგოლე პასიც გააკეთა. სპეციალისტები ვარაუდობენ, რომ ქართველი კვლავაც გააგრძელებს გაუმჯობესებას.

25 წლის ვინგერმა შთაბეჭდილება მოახდინა პირდაპირი თამაშის სტილით, რამაც კადისისთვის კარგი შედეგები გამოიღო. თუმცა, ესპანური გუნდის ამბიციების პერსპექტივა, შეინარჩუნოს იგი, შესაძლოა ხანმოკლე იყოს.

ფულჰემი ვინგერის შეძენის ერთ-ერთ მთავარ პრეტენდენტად ითვლება, რადგან მარკო სილვას იანვარში კიდევ ერთი ფლანგის შემტევის დამატება სურს. კლუბი კადისში ქართველი ვინგერის განვითარებას აკვირდება და მიაჩნია, რომ ლონდონში გადასვლა ფეხბურთელის ევოლუციაში დაეხმარება, ასევე მომავალში მის საბაზრო ღირებულებას გაზრდის.

იანვრის სატრანსფერო ფანჯრის წინ ტაბატაძის შეძენას ბრაიტონსაც სურს და მზადაა ფულჰემს კონკურენცია გაუწიოს.