მამუკელაშვილის ყველაზე შედეგიანი თამაში ტორონტოში

სანდრო მამუკელაშვილმა ტორონტოში გადასვლის შემდეგ კანადურ გუნდში საუკეთესო მატჩი ჩაატარა. „რეპტილიებმა“ საშინაო არენაზე ვაშინგტონი 140:110 დაამარცხეს, რაშიც ქართველმა კალათბურთელმა უდიდესი წვლი შეიტანა.

ტორონტოელთაგან ქულებით საუკეთესოები არ ჯეი ბარეტი და ბრენდონ ინგრემი (24-24) იყვნენ. მამუკელაშვილმა და სკოტი ბარნსმა კი, 23-23 ქულა მიითვალეს.

მამუმ ეს 23 ქულა არასრული 21 წუთში მიითვალა, რასაც ზემოდან 7 მოხსნა, 2 პასი და 1 ჩაჭრა მიაყოლა.

მამუკელაშვილმა 12 ორქულიანიდან ექვსი ჩააგდო, სამი სამქულიანიდან ზუსტი ორი აღმოჩნდა, ხოლო ექვსი საჯარიმოდან – ხუთი. პასივში მხოლოდ ერთი დაკარგვაა, ხოლო მისი მოედანზე ყოფნისას გუნდმა მეტოქეზე 22 ქულით მეტი ჩააგდო. ეს გუნდში მეორე მაჩვენებელი იყო.

ტორონტოს 11 მოგება და ხუთი მარცხი აქვს, რაც აღმოსავლეთ კონფედერაციაში მეორე შედეგია. მამუს გუნდს მომდევნო მატჩი 24 ნოემბერს, ბრუკლინ ნეტსთან აქვს.