მართლა დრეიკ? ჰოდა, წააგებ!

29 ივნისის, ლას-ვეგასში, UFC 317-ის ეგიდით დაგეგმილ ჯახს, რომელშიც ოქტაგონზე ერთმანეთის პირისპირ ილია თოფურია და ჩარლზ ოლივეირა დადგებიან არა მხოლოდ ამ სახეობის, არამედ ზოგადად სპორტის ქომაგებიც განსაკუთრებული ინტერესით ელიან.

ცხადია, ყველას თავისი ფავორიტი ჰყავს და ბუქმეიქერულ კანტორებშიც ფსონები ამის მიხედვით კეთდება. წყვილის აშკარა ფავორიტად ილია თოფურიას მოიაზრებენ, თუმცა არც ბრაზილიელია ხელწამოსაკრავი სპორტსმენი და ფსონები მის გამარჯვებაზეც იდება.

ასე მოიქცა პოპულარული კანადელი მომღერალი ობრი დრეიკ გრემი, რომელიც ფართო მასებისთვის უბრალოდ დრეიკად არის ცნობილი. მან საკმაოდ მსუყე თანხა, არც მეტი და არც ნაკლები 200 დოლარი სწორედ ოლივეირას სასარგებლოდ გარისკა.

„ბრაზილია მიყვარხარ. მე შენთან ვალში ვარ. ამიტომაც, ფსონს ოლივეირას და ბრაზილიის გამარჯვებაზე ჩამოვდივარ“ – დაწერა სოციალურ ქსელში დრეიკმა.

აღდგომა და ხვალეო. ვნახოთ ვისი აჯობებს.