მედლებისთვის ბრძოლას ოთხი ქართველი აგრძელებს

ტაშკენტში მიმდინარე სპორტულ ტანმოვარჯიშეთა მსოფლიოს თასზე ჩვენი ნაკრების წევრებმა მშვენიერი შედეგები აჩვენეს და ფინალების საგზურები მოიპოვეს.

პირველი დღის შემდეგ ფინალში მედლებისთვის ბრძოლას ოთხი სპორტსმენი გააგრძელებს: მედლის მოპოვების ყველაზე უკეთესი შანსი ბიჭებს შორის ლევან სხილაძეს აქვს, რომელიც საუკეთესოთა შორის ტაიჭზე მესამე შედეგით შევიდა; ქალთა შორის ასევე მესამე არის ორძელზე ევა დორიენ მოტტენი; ანი გობაძე ხტომებში მეექვსე ადგილით მოხვდა, ხოლო ბიძინა სიჭინავა რგოლებში – მერვე ადგილით.

ხვალ ფინალში გასასვლელად ბიჭები კიდევ სამ იარაღზე იბრძოლებენ, ხოლო გოგონები – ორზე. ვატო დუდუჩავა ხტომებზე, ხოლო საბა აბესაძე ორძელზე, ლევან სხილაძე – ორძელზე და ღერძზე, ბიძინა სიჭინავა კი, ხტომებზე, ორძელზე და ღერძზე; ანი გობაძე დვირზე და თავისუფალზე შეეცდება ფინალში გასვლას, ხოლო დორიენ მოტტენი თავისუფალ ვარჯიშში.

ჩვენი კაცთა ნაკრების მწვრთნელები ლუკა მესხი და თამაზ გოგინაშვილი არიან, ხოლო ქალთა ნაკრების – თეიმურაზ ქოიავა და ტომას გიელენი.

მსოფლიო თასზე არიან ქართველი მსაჯებიც: ქეთი ბოლქვაძე, პაატა ნოზაძე და ილია გიორგაძე, ხოლო დელეგაციის ხელმძღვანელია – ბესარიონ გამსახურდია.