მერაბ დვალიშვილის მეტსახელის ისტორია

UFC 316-ზე მერაბ დვალიშვილის მორიგი ტრიუმფის შემდეგ, სოციალურ მედიაში არაერთი პოსტი გამოიკვეთა, რომელიც ქართველ მებრძოლს შთამბეჭდავი ზედმეტსახელით “მანქანა” მოიხსენიებდა. შონ ო’მალის დამაჯერებელი დამარცხების შემდეგ, ამ მეტსახელმა კვლავ დიდი ყურადღება მიიპყრო – როგორც დვალიშვილის დაუღალავმა სტილმა, ისე მის საბრძოლო ფსიქოლოგიამ კიდევ ერთხელ გაამართლა ეს სახელი.

ზედმეტსახელის წარმოშობაზე “X”-ის პლატფორმის მეშვეობით ისაუბრა მისმა თანაგუნდელმა და UFC-ის მსუბუქი წონის მებრძოლმა მეტ ფრევოლამ, რომელმაც გაიხსენა, თუ როგორ შეერქვა მერაბს “მანქანა”.

“პირველად რომ შემოგვიერთდა ჩვენს გუნდში, მაშინვე ყურადღება მიიპყრო თავისი დაუჯერებელი ენერგიითა და საოცარი გამძლეობით. ყოველთვის პირველი მოდიოდა დარბაზში და ბოლომდე მუშაობდა. ერთ-ერთ რთულ ვარჯიშზე, როცა ყველანი დაღლილები ვიყავით, ვთქვი: ‘ძმაო, შენ მანქანა ხარ, გაჩერებას არ აპირებ… ეგაა, მერაბი – მანქანა!’ და ასე დაიბადა ეს ზედმეტსახელი. დანარჩენი – უკვე ისტორიაა”, – აღნიშნა ფრევოლამ ღიმილით.

დღეს “მანქანა” მხოლოდ ზედმეტსახელი აღარაა – ის დვალიშვილის ბრძოლის სტილისა და მენტალიტეტის განუყოფელი ნაწილია.

UFC-ის გულშემატკივრებისთვის მერაბი უკვე არა მხოლოდ გამორჩეული მებრძოლია, არამედ დაუღალავი სიმბოლო ქართული ბრძოლის სიძლიერისა.