“მსაჯობით კმაყოფილი ნამდვილად არ ვარ” – ლევადიას მწვრთნელი

კონფერენსლიგის მეორე საკვალიფიკაციო ეტაპის პირველ შეხვედრაში საქართველოს ჩემპიონი იბერია ესტონეთში სტუმრად დამარცხდა. თბილისელებმა ტალინში ლევადიასთან მინიმალური ანგარიშით, 0:1 წააგეს.

მატჩის დასრულების შემდეგ, მასპინძელთა მთავარმა მწვრთნელმა, კურო ტორესმა პრესასთან საკუთარი შთაბეჭდილებები გააზიარა:

“პირველი ტაიმით ნამდვილად უკმაყოფილო დავრჩი. ასეთ დონეზე მარტივი შეცდომები დაუშვებელია – საჭიროა მეტი კონცენტრაცია და უფრო ხარისხიანი თამაში. მეორე ტაიმში გუნდი უკეთ გამოიყურებოდა – უფრო თავდაჯერებულები ვიყავით. მიუხედავად ანგარიშისა, ყველაფერი ჯერ კიდევ შესაძლებელია, თუმცა მოწინააღმდეგე საკმაოდ ძლიერია და ძალიან რთული 90 წუთი გველის წინ.

ჩვენ გვყავს ბევრი ახალგაზრდა მოთამაშე, რომლებსაც ჯერ კიდევ აკლიათ გამოცდილება. მსგავსი მატჩები კი მათი განვითარების უმნიშვნელოვანესი ნაწილია. შეცდომები ფეხბურთის განუყოფელი ნაწილია, ჩვენ ვუჭერთ მხარს ჩვენს ფეხბურთელებს და ასეთ ეპიზოდებზე სწავლა აუცილებელია.

მიუხედავად იმისა, რომ შედეგი იდეალური არ არის, მაინც კარგია. ახლა მაქსიმალურად უნდა მოვახდინოთ აღდგენა, რათა რთული მოგზაურობისთვის მზად ვიყოთ. თუ შემდეგ ეტაპზე გასვლა გვინდა, თბილისში ბევრად უკეთ უნდა ვითამაშოთ და 90 წუთის განმავლობაში მაქსიმუმი გავიღოთ.

ვიცით, რომ ასეთ გუნდს გამოცდილება აქვს და პროვოკაციებიც თამაშის ნაწილია. თუმცა, დღევანდელი მსაჯობით კმაყოფილი ნამდვილად არ ვარ. შეცდომები ყველას მოსდის, მაგრამ ამჯერად ისინი მეტისმეტად ბევრჯერ გაიმეორა და ეს ჩვენზე ცუდად აისახა.”