პსჟ-მ ინტერ მაიამი დაამარცხა და მეოთხედფინალში გავიდა

მსოფლიო საკლუბო ჩემპიონატის მერვედფინალში ხვიჩა კვარაცხელიას პარი სენ-ჟერმენმა დამაჯერებლად აჯობა ლიონელ მესის ინტერ მაიამის და შემდეგ ეტაპზე გავიდა.

შეხვედრა ატლანტაში, მერსედეს-ბენც არენაზე გაიმართა – იმავე სტადიონზე, სადაც საბა ლობჟანიძის გუნდი თამაშობს. ლუის ენრიკემ შეხვედრა დუე-ბარკოლა-ხვიჩას შეტევითი სამეულით დაიწყო და მოგვიანებით მათ უსმან დემბელეც შემატა.

ანგარიში საჯარიმო დარტყმის შემდეგ გაიხსნა, როდესაც ვიტინიას ჩაწოდებულ ბურთს ნევეში დაეუფლა და თავურით გაიტანა. მოგვიანებით იმავე ფეხბურთელმა დუბლიც შეასრულა, რასაც სერხიო ბუსკეტსის უხეში შეცდომა უძღოდა წინ. ტაიმის ბოლომდე კიდევ ორი ბურთი გავიდა – ერთს ავტოგოლი მოჰყვა, მეორეს კი აშრაფ ჰაკიმი გამოეხმაურა ზუსტი დარტყმით – 4:0.

მეორე ნახევარში ინტერ მაიამი“შედარებით გააქტიურდა და მესი ცდილობდა შეტევების ორგანიზებას, თუმცა ეს თამაშის სურათზე არსებითად არ ასახულა. ფრანგულმა გუნდმა შეტევაში კიდევ რამდენიმე ცვლილება განახორციელა, მათ შორის მოედანზე დაბრუნდა უსმან დემბელეც.

ხვიჩა კვარაცხელიამ მატჩი თავიდან ბოლომდე ჩაატარა და პირველივე წუთებიდან აქტიური იყო – განსაკუთრებით პირველ ტაიმში. ერთი სახიფათო შეტევა სწორედ მისი დრიბლინგით დაიწყო.

მეოთხედფინალში პსჟ ფლამენგო – ბაიერნის წყვილიდან გამარჯვებულს შეხვდება.