პსჟ-ს კომპრომისი – რა დაჯდება დონარუმას ტრანსფერი

უკვე დადასტურებულად – ჯანლუიჯი დონარუმა პსჟ-ს დატოვებს. იგი პარიზელ გულშემატკივარს როგორც პირადად, ასევე სოციალური ქსელიდანაც დაემშვიდობა, იტალიელის წასვლის მიზეზი კი ხელმძღვანელობასთან შეუთანხმებლობაა.

ფრანგული კლუბისთვის დონარუმას წასვლა დიდი დანაკლისი არ უნდა იყოს, რადგან პსჟ-მ ამაზე უკვე იზრუნა და გასული სეზონის ლიგა 1-ის ერთ-ერთი საუკეთესო მეკარე, ლუკა შევალიე დაიმატა.

რაც შეეხება დონარუმას, მან პირადი კონტრაქტის დეტალები მანჩესტერ სიტისთან შეათანხმა, ტრანსფერს კი პსჟ-ს მხრიდან მაღალი სატრანსფერო ფასი აფერხებდა. როგორც ირკვევა, სწორედ ამიტომ, პსჟ-მ თავდაპირველად დასახელებული 50 მილიონი მკვეთრად შეამცირა და მზადაა, იტალიელს 30 მილიონად შეელიოს.

პარალელურად, სიტის ტრანსფერისთვის ედერსონის გალათასარაიში გაშვება სჭირდება. მოლაპარაკებები ამ მხრივაც აქტიურ პროცესშია, ბრაზილიელმა მეკარემ თურქულ გუნდთან პირობები შეათანხმა და კლუბებს შორის გარიგებას ელოდება.

შესაბამისად, სატრანსფერო ფანჯრის დასრულებამდე, წესით, ყველაფერი უნდა დალაგდეს – დონარუმა სიტიში, შევალიე პსჟ-ში, ხოლო ედერსონი – გალათასარაიში.