საქართველო მსოფლიო თასს ახალი მწვრთნელით შეხვდება

7-13 აპრილს მალტა 2026 წლის მსოფლიო თასის მეორე დივიზიონის მატჩებს უმასპინძლებს. ტურნირში 24 ნაკრები მიიღებს მონაწილეობას, ორი საუკეთესო კი მსოფლიო თასის სუპერფინალური ეტაპის (22-26 ივლისი) საგზურს მოიპოვებს.

სუპერფინალში მოხვედრას საქართველოს ნაკრები ახალი მწვრთნელით შეეცდება. ბერძენი სპეციალისტი, ათანასიოს კაჩიგიასი ჩვენს ეროვნულ გუნდს აღარ გაწვრთნის და მის ნაცვლად რევაზ ჩომახიძე იმუშავებს. საქართველოს ნაკრების გაწვრთნა ჩომახიძისთვის უცხო არ არის და 2016-21 წლებშიც უმუშავია.

დავუბრუნდეთ მსოფლიო თასს: საქართველოს ნაკრების 7 პრილს თურქეთს გაეჯიბრება, მეორე დღეს უკვე ბრაზილიას ეთამაშება, ხოლო ჯგუფს 9 აპრილს, სლოვენიასთან მატჩით დახურავს.

საინტერესოა, რომ ჯგუფური ეტაპის შემდეგ უკვე საერთო სატურნირო ცხრილი შედგება და 16 უკეთესი შედეგის ნაკრები მერვედფინალში დაწყვილდება. ფინალისტები სუპერფინალში მოხვდებიან, სადაც ასევე ვიხილავთ მასპინძელ ავსტრალიასა და პირველი დივიზიონის საუკეთესო ხუთეულს.

საქართველოს ნაკრების მთავარმა მწვრთნელმა რევაზ ჩომახიძემ მოახლოებული თამაშებისთვის ასეთ შემადგენლობას უხმო: ირაკლი რაზმაძე, გიორგი გვეტაძე, ანდრია ბითაძე, სტაფან პიეშივაცი, იოვან სარიჩი, დუშან ვასიჩი, ველიკო ტანკოსიჩი, ანდრია ვლაჰოვიჩი, ნიკა შუშიაშვილი, ლუკა ჩიქოვანი, საბა ტყეშელაშვილი, ვალიკო დადვანი, ხვიჩა ჯახაია, ბესარიონ ახლედიანი, გიორგი მესხი, საბა მაჭავარიანი.