სენსაციების გარეშე – ლიგაზე ფავორიტებმა იმარჯვეს

ჩემპიონთა ლიგის პირველი ტური დასრულდა, წინა დღეებისგან განსხვავებით კი გულშემატკივარმა ბევრი სენსაცია ვერ იხილეს, ეს ყველაფერი კი ბევრმა გატანილმა გოლმა დააბალანსა.

სათამაშო დღე ბრიუგესა და მონაკოს მატჩმა გახსნა, სადაც მასპინძელმა ბელგიელებმა მეტოქე უშანსოდ, 4-1 დაამარცხეს. ფრანგების მხრიდან ერთადერთი გოლის გატანა მსაჯის მიერ კომპენსირებულ დროში ანსუ ფატიმ შეძლო.

რაც შეეხება მეორე ადრეულ მატჩს, კოპენჰაგენსა და ლევერკუზენს შორის გამარჯვებული ვერ გაირკვა. მართალია, ჯორდან ლარსონისა და რობერტის გოლებით დანიელები გერმანელებს ამარცხებდნენ, თუმცა აქაც მსაჯის მიერ კომპენსირებულ დროში პანტელის ჰაძიადიაკოსმა საკუთარ კარში ჩაჭრა და კოპენჰაგენს სამი ქულა დააკარგვინა.

მეტოქე უშანდოდ დაამარცხა ფრანკფურტის აინტრახტმა. მართალია, გალათასარაიმ ანგარიში იანუს აკგუნის გოლით გახსნა, თუმცა შემდეგ თურქულმა გუნდმა ხუთი უპასუხო გოლი მიიღო და გამანადგურებელი ანგარიშით, 5-1 დამარცხდა.

მანჩესტერ სიტისა და ნაპოლის მატჩში ბევრი რამ წითელმა ბარათმა განაპირობა, რომელიც დი ლორენცომ ბოლო იმედის ჯარიმის გამო დაიმსახურა. 10 კაცით დარჩენილ იტალიელებს პეპ გვარდიოლას შეგირდებმა ჯერემი დოკუსა და ერლინგ ჰოლანდის გოლებით უპრობლემოდ მოუგეს.

დაძაბული იყო კატალონიის ბარსელონასა და ნიუკასლის დაპირისპირება. სენტ ჯეიმს პარკზე მარკუს რაშფორდმა გაიბრწყინა და ორი ბრწყინვალე გოლი გაიტანა. შეხვედრა მაშინ დაიძაბა, როცა 90-ე წუთზე ენტონი გორდონმა ერთი გოლი გაქვითა, თუმცა ედი ჰაუს გუნდმა მატჩის გადარჩენა ვერ შეძლო.