ფრე ლიდერების გარეშე – საქართველო ევროპისთვის ემზადება

საქართველოს ხელბურთელთა ნაკრები ევროპის ჩემპიონატისთვის ემზადება. ტიტე კალანდაძის გუნდმა მეორე მატჩი ითამაშა და ისევ საუდის არაბეთს გაეჯიბრება – 28:28.

წინა მატჩისგან განსხვავებით, ნაკრების მთავარმა მწვრთნელმა ამჯერად მოედანზე ძირითადი გუნდი გაიყვანა, მაგრამ ნებრი ახალი სახეც იყო.

დიდი ხანია გარკვეულია, რომ ნაკრებს ევროპის ჩემპიონატზე გუნდის კაპიტანი თეიმურაზ ორჯონიკიძე დააკლდება. საუდელებთან არ უთამაშიათ ლიდერებს – გიორგი ცხოვრებაძესა და ერეკლე არსენაშვილს. თუმცა, აქ ვირუსის ამბავი იყო და უკვე გუნდთან ერთად ვარჯიშობენ…

საუდის არაბეთთან მეორე შეხვედრა დაძაბული გამოდგა და თამაში ბურთი-ბურთში წავიდა. ერთადერთი შემთხვევა იყო, როდესაც მატჩის დასრულებამდე ათი წუთით საქართველომ ორბურთიანი უპირატესობა მოიპოვა, მაგრამ ეს დიდხანს არ გაგრძელებულა. ბოლო წამებზე შეგვეძლო გამარჯვებამდეც მიგვეყვანა საქმე, მაგრამ არ გაგვიმართლა.

ორივე გუნდიდან საუკეთესო იყო გიორგი დიხამინჯია, რომელმაც 15 ბურთი გაიტანა.

საქართველოს ნაკრების შემადგენლობა და სტატისტიკა:

რუხაძე, ლაპიაშვილი (3), ხელისუფალი, რუსტამოვი, ხარებაშვილი, არეშიძე (3), კბილაშილი (1), ზარნაძე, ცინცაძე, მამულაშვილი (1), ბიბლაია, გოგავა (1), იმნაძე, კალანდაძე, გრიშიკაშვილი (1), გავაშელიშვილი (3), დიხამინჯია (15), მელიავა.

ევროპის ჩემპიონატამდე გუნდი სლოვენიაში გაემგზავრება, სადაც ქუვეითთან და ალჟირთან ორი ამხანაგური მატჩი ექნება.

საქართველოს ნაკრები ევროპის ჩემპიონატის ჯგუფურ ეტაპს, შვედეთის ქალაქ მალმოში, 17 იანვარს ხორვატიასთან დაიწყებს; 19 იანვარს შვედეთს დაუპირისპირდება; 21 იანვარს ნიდერლანდებთან მატჩია ჩანიშნული.