ცნობილია, რა თანხა გამოიმუშავა ლაშა გურულმა უემბლიზე გამართული ჩხუბის მოგებით

ქართველმა პროფესიონალმა მოკრივემ, ლაშა გურულმა, კარიერა წარმატებული სვლით განაგრძო. 28 წლის სპორტსმენმა ბრიტანელი ჯეიმს ფრენსი მეოთხე რაუნდში ტექნიკური ნოკაუტით დაამარცხა.

გურულისთვის ეს მეორე პროფესიული ბრძოლა იყო. პირველი შეხვედრა მან მიმდინარე წლის მარტში, რუსთავში ჩაატარა და გამარჯვება განელი ბერნარდ აბეისთან მოიპოვა. ორივე ბრძოლა კომპანია Martlab Boxing Promotion-ის ორგანიზებით გაიმართა.

მიუხედავად შედარებით მცირე გამოცდილებისა, გურულმა ფრენსის წინააღმდეგ დამაჯერებლად იასპარეზა. საინტერესოა, რომ ბრიტანელი მეტოქე, რომელიც რინგზე 2022 წლიდან ასპარეზობს, გაცილებით მაღალ ჰონორარს, დაახლოებით 25 000 დოლარს იღებდა, მაშინ როცა გურულის ანაზღაურება დაახლოებით 5 000 დოლარით განისაზღვრა.

საფასო სხვაობა, სავარაუდოდ, ფრენსის შედარებით ხანგრძლივ პროფესიულ სტაჟს უკავშირდება, თუმცა ქართველმა მოკრივემ დაამტკიცა, რომ უკვე დღეს სერიოზული ძალაა პროფესიულ კრივში და დიდი პოტენციალი აქვს.