,,დანებებას არ ვაპირებთ” – ანდრეი დემჩენკო

იბერია 1999-ის მთავარი მწვრთნელი ანდრეი დემჩენკო ლარნესთან მატჩის შემდეგ გამართულ პრესკონფერენციაზე, მისი გუნდის ნაჩვენები შედეგით კმაყოფილი იყო. დემჩენკომ ქართველებს ისტორიული გამარჯვება მიულოცა და აღნიშნა, რომ იბერიამ ეს წარმატება დაიმსახურა.
დემჩენკომ განაცხადა, რომ გუნდი გაძლიერებას აპირებს და ამის შესახებ კლუბის პრეზიდენტს ესაუბრა.

,,პირველ რიგში გილოცავთ ქართცელ ხალხს ამ გამარჯვებას. ჩვენ ისტორია დავწერეთ და 22 წლის შემდეგ ქართული გუნდი ევროტურნირის ჯგუფში შევიდა.
წინა შეხვედრისგან განსხვავებით იბერიამ კარგად ითამაშა. გოლის გატანის შანსები პირველ ტაიმშიც გვქონდა, მაგრამ მომენტები ვერ გამოვიყენეთ. მთლიანობაში შედეგი კანონზომიერია, რადგან თამაშს ჩვენ ვაკონტროლებდით. ჩვენი უპირატესობის მიუხედავად, მატჩის ბედი გადაწყვეტა ძირითად დროში ვერ შევძელით და მთლიანობაში ძალიან ნერვიულო და დაძაბული მატჩი გამოვიდა.

რაც შეეხება ჩემს ემოციებს – ვაღიარებ, რომ ვნერვიულობდი. გაცნობიერებული მქონდა თუ რა მნიშვნელობის შეხვედრა გვქონდა და მატჩს უფრო დიდი პასუხისმგებლობით მოვეკიდეთ.
დანებებას არ ვაპირებთ. გვინდა, რომ ევროპა ლიგის ძირითად ეტაპზე მოვხვდეთ.
რატომაც არა? – შანსი არსებობს და ამისთვის ვიბრძოლებთ.
ლარნესთან მატჩში. ჩვენ ბოლო წამებამდე ვიბრძოდით. ფეხბურთელებს სულ ვეუბნები, რომ დანებება არ შეიძლება – არასოდეს!

გუნდის გაძლიერებას . ვაპირებთ. ამ საკითხზე მქონდა საუბარი გუნდის პრეზიდენტთან და ისიც მეთანხმება, რომ ახალი ფეხბურთელების მოყვანა საჭიროა.
ევროტურნირებზე თამაშს ვაგრძელებთ, ეროვნულ ლიგაში და საქართველოს თასზეც გვიწევს გამოსვლა ამიტომ ახალი მოთამაშეები აუცილებლად, უნდა დავიმატოთ.” – ანდრეი დემჩენკო.

ავტორი: კახა მიხანაშვილი.