ამერიკამ ირანს წითელი აუნთო

რაც არ უნდა ვამტკიცოთ ან სურვილი გვქონდეს სპორტის და პოლიტიკის ერთმანეთისგან გამიჯვნის თაობაზე, წყლის ნაყვა, ილუზია ან თავის მოტყუებაა და მეტი არაფერი. ამის არაერთი მაგალითი გვინახავს და მომავალშიც ვნახავთ.

ეს მომავალი კი 5 დეკემბერი და მსოფლიოს ჩემპიონატის წილისყრა იქნება, რომელიც ვაშინგტონში გაიმართება და იქ ირანის წარმომადგენლობას ვერ დავლანდავთ. საქმე იმაში გახლავთ, რომ ამერიკის შეერთებული შტატების ხელისუფლებამ ირანის დელეგაციის ცხრა წევრს ქვეყანაში შესასვლელი ვიზა არ მიცსა. მათ შორის არიან ფეხბურთის ფედერაციის პრეზიდენტი მეჰდი თაჯი და ნაკრების მთავარი მწვრთნელი ამირ ღალენოეი.

ირანის საფეხბურთო ნაკრები ერთ-ერთი პირველთაგანი იყო, რომელმაც დაისად გასამართ მონდიალზე ასპარეზობის უფლება მოიპოვა.

ალბათ შეხსენება საჭირო არ უნდა იყოს, რომ მსოფლიოს ჩემპიონატი ფეხბურთში მომავალ წელს სამ ქვეყანაში – აშშ-ში, კანადაში და მექსიკაში გაიმართება.